ज्या प्रमाणात देशाचा GDP पडला त्याच प्रमाणात मोदींच्या दाढीचा आकार वाढला; व्हायरल ग्राफ पाहिलात का?

नक्की वाचा >> “फडणवीस रोज पहाटे चार वाजता उठून राज्यपालांना फोन करून विचारतात…,” कुणाल कामराचं खोचक ट्विट

सन २०१७-१८ च्या आर्थिक वर्षामध्ये भारताचा जीडीपी ८.१ असल्याचे या ग्राफमध्ये दिसत आहे. तर हाच जीडीपी २०१९-२० च्या आर्थिक वर्षामध्ये ४.५ टक्क्यांपर्यंत गडगडल्याचं दाखवण्यात आलं आहे. “ग्राफिक अलेस्ट्रेशन म्हणजे काय याचं हे उत्तम उदाहरण आहे,” अशा कॅप्शनसहीत थरूर यांनी हा फोटो शेअर केला आहे.

करोनामुळे भारताच्या जीडीपीला मोठा फटका बसला आहे. तर डीबीएस समुहाच्या अहवालानुसार जीडीपीची ६.८ टक्क्यांपर्यंत घसरण होणार असल्याचं सांगण्यात आलं आहे. १३ हजारहून अधिक जणांनी हा फोटो रिट्विट केला आहे. तर हा फोटो लाईक करणाऱ्यांची संख्या ६६ हजारांहून अधिक आहे.

२०२०-२१ च्या तिसऱ्या तिमाहीमध्ये भारताच्या जीडीपीमध्ये १.३ टक्क्यांनी वाढ झाली आहे. मागील दोन तिमाहीमध्ये सतत घसरण झाल्यानंतर पहिल्यांदाच जीडीपीमध्ये सकारात्मक आहे. करोनासंदर्भातील निर्बंध वर्षाच्या शेवटी आणि सुरुवातील शिथिल करण्यात आल्याने लोकांनी अधिक प्मराणात पैसे खर्च करण्यास सुरुवात केल्याने जीडीपीमध्ये सकारात्मक वाढ दिसून आल्याचं सांगण्यात येत आहे. मात्र आता करोनाचा प्रादुर्भाव पुन्हा वाढत असल्याने याचा जीडीपीला फटका बसण्याची भीतीही व्यक्त केली जातेय.