Shilpa Shetty fitness challenge : अभिनेत्री शिल्पा शेट्टी तिच्या फिटनेससाठी ओळखली जाते. ती तिच्या इन्स्टाग्राम अकाउंटवरून योगासनांचे अनेक प्रकार आणि त्या संदर्भातील माहिती युजर्सना सांगते. सध्या तिचा असाच एक व्हिडीओ सोशल मीडियावर व्हायरल होत आहे. या व्हिडीओमध्ये तिनं युजर्सना एक अनोखं चॅलेंज दिले आहे. तिचा हा व्हिडीओ पाहून तुम्हीही थक्क व्हाल.
या व्हायरल व्हिडीओमध्ये तुम्हाला दिसेल की, तिनं ‘मंडे मोटिव्हेशन’मध्ये युजर्सना एक अनोखं चॅलेंज दिलं आहे. हात न सोडता, मनगट फिरवून दाखवण्याचं हे चॅलेंज आहे. या व्हायरल व्हिडीओमध्ये शिल्पा शेट्टी म्हणते, “आजचे मंडे मोटिव्हेशन’ मी खूप सोपे देणार आहे. मला अनेक कमेंट्स येतात. त्यातल्या काही लोकांचं असं म्हणणं होतं की, असं काही करून दाखवा; जे आम्हीसुद्धा करू शकतो.” त्यानंतर ती हात न सोडता, मनगट फिरवून दाखवते. पुढे ती व्हिडीओमध्ये म्हणते, “हे चॅलेंज कदाचित महिला करू शकतील; पण पुरुषांना थोडं कठीण जाऊ शकतं.”
त्यानंतर ती व्हिडीओमध्ये एका व्यक्तीला बोलावते आणि त्याला हात न सोडता, मनगट फिरवून दाखवण्यास सांगते; पण दोन वेळा प्रयत्न करूनही तो अपयशी ठरतो. त्यानंतर ती व्हिडीओच्या शेवटी युजर्सना म्हणते, “ऑल दी बेस्ट! तुम्हीसुद्धा प्रयत्न करा”
हेही वाचा : VIDEO : दोन तरुणींमध्ये रंगली डान्सची जुगलबंदी; दोघींनी केला जबरदस्त डान्स, व्हायरल होतोय व्हिडीओ
theshilpashetty या इन्स्टाग्राम अकाउंटवरून हा व्हिडीओ शेअर करण्यात आला असून, शिल्पा शेट्टी कुंद्रा फिटनेस चॅलेंज असा हॅशटॅग या व्हिडीओच्या कॅप्शनमध्ये लिहिलाय.
या व्हिडीओवर अनेक युजर्सनी प्रतिक्रिया दिल्या आहेत. अनेक युजर्सनी हे चॅलेंज पूर्ण केल्याचं कमेंटमध्ये सांगितलं आहे. एका युजरनं लिहिलंय, “१०० वेळा प्रयत्न केले; पण मला जमलं नाही”
शिल्पा शेट्टी खूप चांगली अभिनेत्री आणि निपुण डान्सर आहे. ती नियमित योगा करते आणि योगासनांमुळेच ती नेहमी आपल्याला फिट दिसते. ४८ वर्षांची शिल्पा शेट्टी अनेक तरुणी आणि महिलांना फिटनेससाठी प्रेरित करते.”
