Accident Viral Video: रस्ते अपघातांचे अनेक व्हिडीओ सोशल मीडियावर व्हायरल होत असतात. यामध्ये काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. असाच एक लाइव्ह अपघाताचा व्हिडीओ सोशल मीडियावर समोर आला आहे, जो अक्षरश: अंगावर काटा आणत आहे. यामध्ये कार चालवायला शिकणाऱ्या तरुणाने पाच जणांना चिरडले. हा व्हिडीओ एक उदाहरण म्हणूनदेखील समोर आला आहे, ज्याला पाहून तुम्ही गाडी चालवताना किती सतर्क राहायला पाहिजे हे दाखवत आहे.हा व्हिडीओ पाहिल्यावर तुमच्याही काळजाचा थरकाप उडाल्याशिवाय राहणार नाही. हा अपघात एवढा भयानक आहे की याचा व्हिडिओ पाहून कुणाच्याही अंगावर काटा उभा राहील.
ही घटना हरियाणामध्ये घडली असून, हरियाणातील कैथल जिल्ह्यात एका व्यक्तीने कारमध्ये पाच जणांना चिरडल्याचा व्हिडिओ सोशल मीडियावर व्हायरल झाला आहे. मिळालेल्या माहितीनुसार, चिका धान्य बाजारात शनिवारी ही घटना घडली. जिथे कार चालवायला शिकणाऱ्या तरुणाने पाच तरुणांना धडक दिली. ही संपूर्ण घटना अवघ्या ५ सेकंदात घडली असून, त्याचे सीसीटीव्ही फुटेजही समोर आले आहे. या अपघातात दोन तरुण गंभीर जखमी झाले असून त्यांना रुग्णालयात दाखल करण्यात आले आहे.
या व्हिडीओमध्ये तुम्ही पाहू शकता, सीसीटीव्ही फुटेजमध्ये एका दुकानाबाहेर पाच तरुण खुर्च्यांवर बसून बोलत असल्याचे दिसत आहे. त्याचवेळी तेथे पांढऱ्या रंगाची कार आली आणि अक्षरश: पाचही जणांना चिरडले.
पाहा व्हिडीओ
हेही वाचा >> शेवटी रक्त वाघाचं आहे; वाघाच्या पिल्लानं केली भल्यामोठ्या हरणाची शिकार, VIDEO पाहून थक्क व्हाल
बरेच लोक पटकन ड्रायव्हिंग शिकण्यासाठी ते स्टीयरिंग व्हील फिरवतात परंतु पॉवर स्टीयरिंगमुळे ते असंतुलित होते, अशा परिस्थितीत, आपल्याला कारचे स्टेअरिंग स्थिर ठेवूनच वळण घ्यावे लागते. जेणेकरुन तुम्हाला ड्रायव्हिंग शिकण्यात कोणतीही अडचण येणार नाही. आणि तुम्ही कमी वेळात चांगले ड्रायव्हिंग शिकू शकाल.
अनेकदा कार चालवायला शिकणारे क्लच पूर्णपणे दाबत नाही आणि त्याशिवाय गीअर्स बदलू लागतात. त्यामुळे गीअर शिफ्टिंग करताना अडचण येते, जर तुम्ही क्लच दाबत असाल तर तो पूर्णपणे दाबा आणि त्यानंतरच गियर बदला.
