पैशांचा हव्यास! विद्यार्थ्याला नग्न करून मारहाण; प्रायव्हेट पार्टवर लाथा मारल्या, केस जाळताना Video केला अन्..

अत्याचाराचं कारण काय?

पोलिसांनी दिलेल्या माहितीनुसार, पीडित तरुण स्पर्धा परीक्षेच्या कोचिंग क्लासेससाठी इटावाहून कानपूरला आला होता. तो कोचिंग सेंटरमधील काही सिनिअर विद्यार्थ्यांच्या संपर्कात आला, ज्यांनी त्याला ऑनलाइन सट्टेबाजी खेळण्यासाठी २० हजार रुपये दिले होते. तो सगळे पैसे हरल्यानंतर सिनिअर्सनी त्याला वीस हजार ऐवजी दोन लाख रुपयांची भरपाई करण्यास सांगितले व यासाठी त्याच्यावर खूप दबाव आणला. इतकं करून पीडित विद्यार्थ्याला पैसे परत करता न आल्याने त्यांनी त्याला खोलीत कोंडून मारहाण केली.

आरोपींनी या कृत्याचे व्हिडीओ शूट सुद्धा केले, व्हिडीओमध्ये ते विद्यार्थ्याच्या गुप्तांगावर लाथा मारताना आणि मुक्का मारताना दिसत होते. एका व्हिडिओमध्ये एक आरोपी विद्यार्थ्याचे केस जाळण्याचा प्रयत्न करताना दिसत आहे, तर दुसऱ्या व्हिडिओमध्ये विद्यार्थ्याला त्याच्या प्रायव्हेट पार्टला वीट बांधून नग्न अवस्थेत दाखवण्यात आले आहे.

पोलिसांच्या कारवाईवर पालकांचा संताप

अनेक दिवस हा प्रकार सुरू होता, त्यानंतर विद्यार्थ्याने त्याच्या पालकांना याची माहिती दिली, ज्यांनी नंतर इटावा पोलिसांकडे तक्रार केली. मात्र, पोलिसांनी आरोपी विद्यार्थ्यांच्या पालकांच्या दबावाखाली येऊन सर्वांना सोडून दिल्याचे विद्यार्थ्याच्या कुटुंबीयांनी सांगितले. मात्र, ४ मे रोजी या घटनेचा एक व्हिडीओ सोशल मीडियावर व्हायरल झाल्यानंतर, कानपूर पोलिसांनी कारवाई करून सहाही आरोपींना अटक केली.

हे ही वाचा<< VIDEO: आधी देवाला नमस्कार केला, आशीर्वाद घेतला अन्… बाजूच्या घरावर फेकले बॉम्ब; पण एक चूक पडली महागात

पोलिस उपायुक्त आर.एस. गौतम यांनी सांगितले की, आरोपींवर आयपीसी कलम १४७, ३४, ३४३, ३२३, ५००, ५०६ आणि ३०७ अंतर्गत गुन्हा दाखल करण्यात आला आहे. त्यांच्यावर पोक्सो कायद्याच्या तरतुदी आणि कलम ६७(बी) अंतर्गतही आरोप ठेवण्यात आले आहेत. पोलिसांनी दिलेल्या माहितीनुसार, आरोपींची एक टोळी तयार झाली आहे आणि ते एका फ्लॅटमध्ये राहतात, जिथे ते निष्पाप विद्यार्थ्यांना अडकवतात आणि त्यांना धमकावून ब्लॅकमेल करतात.