Petrol Pump Viral Video: सोशल मीडियावर दररोज अनेक व्हिडीओ व्हायरल होत असतात. पेट्रोल पंपावरील अनेक व्हिडिओ सोशल मीडियावर वायरल होत असतात काही पेट्रोल पंपावरील अपघाताचे व्हिडिओ समोर येतात तर कधी पेट्रोल पंपावरील भांडणं चर्चेत येतात. अनेकदा पेट्रोल पंपावर आग लागल्याचे अनेक प्रकरणे सुद्धा समोर आलेली आहेत. सध्या एका पेट्रोल पंपावरील व्हिडिओ वेगळ्याच कारणाने चर्चेत आला आहे या व्हिडिओमध्ये एक चारचाकी चालक गाडीमध्ये पेट्रोल भरण्यासाठी पेट्रोल पंपावर येतो. पेट्रोल भरतो पण त्याचे पैसे तेथील कर्मचाऱ्याला देत नाही आणि पैसे न देता पेट्रोल पंपावरून पळण्याचा प्रयत्न करतो पण पुढे असं काही घडलं की पाहून तुम्हीही अवाक् व्हाल. नेमके काय घडते? हे तुम्हीच पाहा.
सध्या चोरीच्या घटनांचे प्रमाण वाढले आहे. कोण कधी काय चोरी करेल सागंता येत नाही. लोक दिवसाढवळ्या चोरी करत आहेत. फोन चोरी, तर कधी गाडी चोरीला जात आहे. याशिवाय किरकोळ वस्तू देखील चोरीला जात आहे. सध्या व्हायरल होत असलेला व्हिडिओ पेट्रोलच्या चोरीचा आहे. एक व्यक्ती पेट्रोल गाडीत भरल्यावर पैसे न देता पळून जात होता. व्हायरल होत असलेल्या व्हिडिओमध्ये तुम्ही पाहू शकता की, एक गाडी पेट्रोल पंपावर उभी आहे. एक व्यक्ती त्या कारमध्ये पेट्रोल भरुन घेत आहे. कारमध्ये पेट्रोल भरल्यावर कर्मचारी पैसे घेण्यास जातो. मात्र तो कारचालक पैसे न देता तिथून पळ काढतो. यावेळी त्यानं पळ काढताच पोलीसही वाऱ्याच्या गतीनं त्याचा पाठलाग करून लागले. अन् शेवटी पोलिसांनी त्याला पकडलं.
पाहा व्हिडीओ
https://twitter.com/gharkekalesh/status/1861383917330485528
“जेव्हा कर्माचे फळ लगेच मिळते”
सध्या हा व्हिडिओ सोशल मीडियावर चांगलाच चर्चेच आहे. मात्र, हा व्हिडिओ कुठला आहे हे अद्याप कळालेले नाही. व्हायरल होत असलेला व्हिडिओ @gharkekalesh नावाच्या एक्स अकाउंटवर शेअर करण्यात आला आहे. या व्हिडिओला अनेकांनी पाहिले असून आपल्.या प्रतिक्रीया देखील दिल्या आहेत. एका युजरने म्हटले आहे की,एकदम बरोबर केले. आणखी एका युजरने म्हटले आहे की, आता त्यांना अक्कल येईल. चौथ्या एकाने म्हटले आहे की, “जेव्हा कर्माचे फळ लगेच मिळते.” अशा वेगवेगळ्या प्रतिक्रिया या व्हिडीओवर नेटकरी देत आहेत.
