Shocking video: रेल्वेने प्रवास करताना प्रवाशांना नेहमीच सावध राहण्याचे आवाहन केले जाते. अनेकवेळा थोड्याशा निष्काळजीपणामुळेही मोठे नुकसान होते. रेल्वेत अनेक टवाळ, चोर, दरोडेखोर लुटण्याच्या इराद्याने येत असतात आणि संधी शोधत असतात. सध्या सोशल मीडियावर एका घटनेचा व्हिडीओ मोठ्या प्रमाणात व्हायरल होत आहे. हा व्हिडीओ पाहिल्यानंतर तुम्ही पूर्वीपेक्षा अधिक सतर्क व्हाल. भारतीय रेल्वेच्या प्रवाशांबरोबर अनेकदा काही ना काही आश्चर्यकारक घटना घडत असतात, यात काही क्षणात व्हायरल होतात. अशाच एका चोराचा व्हिडीओ सध्या व्हायरल होतोय. या चोराचा चोरी करण्याचा प्रयत्न फसला आणि त्याला प्रवाशांनी रंगेहात पकडलं. हा चोर कसा तावडीत सापडला तुम्हीच पाहा.
चोरी करणं हा गुन्हा आहे अन् जर का तुम्ही चोरी करताना पकडला गेलात तर तुम्हाला मोठी शिक्षा होऊ शकते. मात्र, तरीदेखील काही मंडळी झटपट पैसा कमावण्यासाठी गुन्हेगारीचा रस्ता निवडतात. अशाच एका गुन्हेगाराचा व्हिडीओ समोर आला आहे.
या व्हिडीओमध्ये तुम्ही पाहू शकता, ट्रेनमध्ये प्रचंड गर्दी आहे. लोक उभ्यानं प्रवास करत आहेत. काहींना नीट उभं राहायलाही जागा नाहीये. दरम्यान, दोन चोरांनी याचाच फायदा घेत चोरी करण्याचा प्लॅन केला. यावेळी या दोन तरुणांनी एका महिलेची पर्स चोरण्याचा प्रयत्न केला आणि त्यांचा पहिलाच प्रयत्न फसला. त्यांची चोरी पकडली गेली आणि इतर प्रवाशांनी त्यांना रंगेहात पकडलं. यानंतर त्यांची अशी अवस्था झाली की तुम्ही विचारही नाही करू शकणार. इतर प्रवाशांनी या दोन तरुणांना अक्षरश: लाथा- बुक्क्यांनी चोप दिला. या व्हिडीओमध्ये दिसत आहे, दोन तरुणांना प्रवासी बेदम मारत आहेत. काहींनी तर त्यांची कॉलर पकडून त्यांचा गळाही आवळला आहे. हे दोन तरुण आपली सुटका करून घेण्याचा प्रयत्न करत आहेत. मात्र, प्रवासी इतके संतापले आहेत की या चोरांना सोडतच नाहीये. ट्रेनमध्ये वारंवार अशा चोऱ्यांचे प्रकार पाहायला मिळतात, अशावेळी चोरी पकडली गेली तरी हे चोर तेवढ्यापुरती माफी मागून पुढच्या वेळी पुन्हा तीच चूक करतात.
पाहा व्हिडीओ
हेही वाचा >> “तू ये साजना…” आजीबाईंनी गुडघ्यावर बसून आजोबांना केलं भन्नाट प्रपोज; VIDEO पाहून पोट धरुन हसाल
हा व्हिडीओ @gharkekalesh नावाच्या युजरने एक्सवर शेअर केला आहे. हा व्हिडीओ आतापर्यंत दीड लाख लोकांनी पाहिला आहे. त्याचबरोबर अनेक युजर्सनी यावर आपली प्रतिक्रिया दिली आहे. एका युजरने लिहिले की, धक्कादायक व्हिडीओ. दुसऱ्या वापरकर्त्याने लिहिले, “अशा लोकांपासून सावध राहण्याची गरज आहे.” याशिवाय इतरही अनेक युजर्सनी या पोस्टवर कमेंट केल्या आहेत.
