VIDEO: आईच्या डोळ्यातील अश्रू थांबेनात अन् बापही ओक्साबोक्शी रडतोय; श्रीनगरमध्ये मुलानं जन्मदात्यांबरोबर काय केलं पाहा

आईच्या डोळ्यातील अश्रू थांबेनात अन् बापही ओक्साबोक्शी रडतोय

मन हेलावून टाकणारी ही घटना श्रीनगरमध्ये घडली असून, श्रीनगरमधील एका मुलानं आपल्या आई-वडिलांना वर्षभरापासून घराबाहेर काढलं असून, ते घरात येण्याचा प्रयत्न करताना त्यांना रस्त्यावर मारहाण केली आहे. या व्हिडीओमध्ये तुम्ही पाहू शकता की, मुलगा आई-वडिलांवर हल्ला करण्यासाठी दुचाकीवरून उतरताना दिसत आहे. त्यानंतर तो त्याची चप्पल काढतो आणि त्याचे आई व वडील हातात सामान घेऊन उभे असताना त्यांना मारहाण करतो. यावेळी तो वडिलांनाही लाथा मारताना दिसत आहे. यावेळी मुलाच्या हल्ल्यापासून आई-वडिल स्वत:चं संरक्षण करण्याचा प्रयत्न करताना दिसत आहेत. या व्हिडीओमध्ये तुम्ही पुढे पाहू शकता की, एक तरुण मध्यस्थी करण्यासाठी आला असता, आईच्या डोळ्यांतही अश्रू दिसत आहेत आणि हतबल झालेले वडीलही ओक्साबोक्शी रडत आहेत.

आजारी पालकांवर हल्ला केल्याची घटना सोशल मीडियावर व्हायरल झाल्यानंतर आता त्या निर्दयी मुलावर गुन्हा दाखल करण्यात आला आहे. नेटिझन्सनी त्याच्यावर कठोर कारवाई करावी, अशी मागणी केली आहे. ताजा बेगम आणि गुलाम अहमद वाणी यांचा मुलगा मोहम्मद अश्रफ वाणी, असं नाव असलेल्या व्यक्तीविरुद्ध एफआयआर दाखल करण्यात आला आहे.

पाहा व्हिडीओ

हेही वाचा >> सार्वजनिक मंडळाचा ‘तो’ बॅनर पाहून लोक भडकले; PHOTO पाहून सांगा अशा मंडळांचं काय करायचं?

मुलानं आई-वडिलांना मारहाण का केली आणि त्यांना घरात प्रवेश का नाकारला, याचा तपास सुरू आहे. या संदर्भात स्थानिक माध्यमांनी असं वृत्त दिलं आहे की, आईच्या तक्रारीची दखल घेऊन पोलिसांनी भारतीय न्याय संहिता (BNS) च्या विविध कलमांखाली आरोपीवर गुन्हा दाखल केला आहे, ज्यात कलम ७४ (महिलेवर अत्याचार करणे किंवा तिचा राग काढण्याच्या उद्देशाने गुन्हेगारी बळाचा वापर करणे) समाविष्ट आहे. कलम १२६(२) (एखाद्याला कायदेशीररीत्या परवानगी असलेल्या कोणत्याही दिशेने जाण्यापासून प्रतिबंधित करण्याची कृती आणि कलम ३५१(२) (गुन्हेगारी धमकी). २०२४ चा एफआयआर क्रमांक ७७ चा औपचारिक गुन्हा नौगाम पोलिस ठाण्यामध्ये नोंदवण्यात आला आहे.