“महिलांना आता पुरूषांची नाही महिलांचीच भिती” डोंबिवली रेल्वे स्टेशनवरील खतरनाक VIDEO होतोय व्हायरल

तुम्हीही ट्रेनचा प्रवास करत असाल तर भांडण हे तुमच्यासाठी काही नवीन नसेल. ट्रेनमध्ये वादाची ठिणगी पेटायला काही वेळ लागत नाही. त्यातही महिलांची भांडण म्हणजे काही खरे नाही. अशीच भांडणं डोंबिवली रेल्वे स्टेशनवर झाली ज्यामध्ये दोन महिलांमध्ये जोरदार हाणामारी झालीय. हा व्हिडीओ पाहून तुम्हालाही धक्का बसेल.अशा प्रकारच्या घटनांमुळे प्रवासाची हवा बदलून जाते, आणि अशा भांडणांमुळे इतर प्रवाशांनाही त्रास होतो. त्यामुळे रेल्वे प्रशासनाने अशा घटनांवर अधिक लक्ष देण्याची आवश्यकता आहे.

या व्हिडीओमध्ये तुम्ही पाहू शकता, यात दोन महिला एकमेकींशी अक्षरशः एका वैरिणीप्रमाणे भांडताना दिसून आल्या. ट्रेनमध्ये सुरु झालेलं हे भांडण अक्षरश: डोंबिवली रेल्वे प्लॅटफॉर्मवर आलं. यावेळी दोन महिलांच्या गटानं या दोघींना रोखून ठेवलेय. पण तरी देखील त्या काही ऐकण्याचं नाव घेत नाहीयेत. दरम्यान हाणामारी झालेल्यांपैकी एक महिला म्हणतेय, मला फक्त एक मिनिट सोडा मी दाखवते मी कोण आहे तर दुसरी म्हणतेय, हिंमत असेल तर ये पुढे.

पाहा व्हिडीओ

सोशल मीडियावर हा व्हिडीओ domumbai_ नावाच्या इन्स्टाग्राम अकाऊंटवरुन शेअर केला आहे. यावर नेटकरी वेगवेगळ्या संतापजनक प्रतिक्रिया देत आहेत. एकानं म्हंटलंय, “एका दिवशी यामध्ये कुणाचातरी जीव जाईल” तर आणखी एकानं “आधी महिला प्रवासात पुरुषांपासून लांब राहायच्या आता महिलांना महिलांचीच भिती आहे” अशी प्रतिक्रिया एका युजरने दिली आहे.