Shocking video: लांब पल्ल्याच्या रेल्वे प्रवासात लघवी किंवा शौचाला झालं की प्रवाशांसाठी ट्रेनमध्येच शौचालयाची सुविधा असते. ट्रेनमधून दररोज लाखो लोक प्रवास करीत असतात. वेगवेगळ्या ठिकाणाहून आलेले लोक ट्रेनच्या प्रवासाला जास्त प्राधान्य देतात. लांबच्या प्रवासासाठी अनेकदा लोक स्लीपर कोचच्या डब्यातून प्रवास करतात. या धकाधकीच्या जीवनात दर दिवशी ट्रेनमध्ये काहीतरी नवीन पाहायला मिळतं. पण अनेकदा अशा काही घटना आपल्या डोळ्यांसमोर घडतात ज्या थक्क करणाऱ्या असतात. सध्या असाच काहीसा धक्कादायक प्रकार ट्रेनमध्ये घडला आहे, ज्याचा व्हिडीओ सोशल मीडियावर व्हायरल होतोय. या व्हिडीओमध्ये एका माणसाने जे केलंय, ते पाहून तुम्हालाही राह अनावर होईल. नेमकं काय घडलं, जाणून घ्या…
नेमकं काय घडलं?
या व्हिडीओमध्ये तुम्ही पाहू शकता, एक व्यक्ती चक्क ट्रेनमध्येच दुसऱ्या व्यक्तीच्या सीटवर उभा राहत लघवी करत आहे. तो संपूर्णपणे नशेत असल्याचं व्हिडीओमध्ये दिसत आहे. तो ज्या सीटवर लघवी करत आहे तिथे प्रवासी बसला आहे मात्र त्याला त्याचंही भान नाही. हा प्रकार सीटवर बसलेल्या प्रवाशाच्या लक्षात येतो तेव्हा तो त्याला ओरडताना दिसत आहे. मात्र अशाप्रकारे कसंलही भान न राखता हे कृत्य करणं अतिशय चुकीचं आहे. या प्रकारानंतर सर्व प्रवासी संतापले असून सोशल मीडियावरही टीका व्यक्त केली जात आहे. हा व्हिडीओ पाहून अनेकांना धक्का बसला आहे.
सोशल मीडियावर व्हायरल झालेल्या या व्हिडीओची चर्चा सध्या सगळीकडे सुरू आहे. या व्हिडीओमध्ये ट्रेनमधील एका प्रवाशाचं कृत्य पाहून सर्वांनाच धक्का बसला आहे.
पाहा व्हिडीओ
सोशल मीडियावर व्हायरल झालेला हा व्हिडीओ @dekhbromeme या इन्स्टाग्राम अकाउंटवरून शेअर करण्यात आला असून व्हिडीओला “१२५१० गुवाहाटी बेंगळुरू एक्सप्रेस विझाग आणि पेरांबूरमध्ये ट्रेनमध्ये व्यक्तीनं केली लघवी” असं कॅप्शनमध्ये लिहलंय. तर व्हिडीओ सोशल मीडियावर व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “अशांना तिथेच तुडवायला हवं तेव्हाचं हे जागेवर येतील” तर दुसऱ्याने “तो संपूर्ण नशेत असल्याचं दिसतंय” अशी कमेंट केली.