Viral video : सोशल मीडियावर दररोज नवनवीन व्हिडिओ व्हायरल होत असतात. त्यातील काही आपल्याला हसवणारे असतात तर काही थक्क करणारे असतात. सध्या असाच एक व्हिडिओ सोशल मीडियावर प्रचंड प्रमाणात व्हायरल होत आहे. जो पाहून तुम्हालाही धक्का बसेल. या व्हिडिओत महिलेच्या कानातून जे काही बाहेर निघते, ते पाहून तुम्हीही हैराण व्हाल. हा व्हिडिओ सध्या सोशल मीडियावर धुमाकूळ घालतो आहे.
नेमकं प्रकरण काय?
एक महिला झोपली असताना, तिच्या कानात अचानक एक कोळी शिरला होता. कोळी शिरल्यानंतर या महिलेच्या कानात दुखायला सुरुवात झाली. कान दुखतोय म्हणून या महिलेने कानात हात टाकून स्वतः तपासले. मात्र तिला काहीही सापडले नाही. यासोबतच तिच्या कुटुंबीयांनी देखील कानात टॉर्च मारून कान तपासला मात्र त्यांनाही कानात काही दिसले नाही.
महिला डॉक्टरांकडे गेली
या महिलेला कानात दुखायचा त्रास दिवसेंदिवस वाढू लागल्यावर या महिलेने डॉक्टरांकडे धाव घेतली. या महिलेचा पती तिला बेंगळुरूच्या कोलंबिया एशिया हॉस्पिटलमध्ये घेऊन गेला. तिथल्या डॉक्टरांनी या महिलेच्या कानाची स्पेशल कॅमेऱ्याने तपासणी केली. तपासणी करतेवेळी डॉक्टरांनी जे कानात पाहिले ते पाहून त्यांना देखील धक्का बसला होता.
( हे ही वाचा: भुकेलेल्या हिप्पोने २ वर्षाच्या बाळाला गिळलं; पण नंतर असं काही घडलं की त्याला पुन्हा जिवंत बाहेर फेकलं)
कानात नेमकं होतं तरी काय?
जेव्हा डॉक्टरांनी स्पेशल कॅमेऱ्याने महिलेच्या कानाची तपासणी केली. त्यावेळी डॉक्टरांना जे दिसलं ते धक्कादायक होत. त्यांना या महिलेच्या कानात एक छोटा कोळी वावरताना दिसला. जो या महिलेच्या कानात स्वतःचे घर बनवत होता. हा कोळी असल्याने या महिलेच्या कानात वेदना होत होत्या. दरम्यान नंतर डॉक्टरांनी मोठ्या कष्टाने या कोळीला कानातून बाहेर काढले. त्यानंतर महिलेचा कान दुखायचा बंद झाला. दरम्यान महिलेच्या कानातुन कोळी बाहेर येत असल्याचा व्हिडिओ समोर आला आहे जो प्रचंड व्हायरल होतोय.
येथे पहा कोळी कानात वावरत असल्याचा व्हिडीओ
हा व्हिडिओ लाड बायबल या सोशल मीडिया अकाउंटवर पोस्ट कऱण्यात आला असून या व्हिडिओला १ लाखाहून जास्त व्ह्यूज मिळाले आहेत. तसंच अनेकजणांनी यावर कंमेंट देखील केल्या आहेत. हा व्हिडीओ पाहून अनेकांना धक्का बसला आहे.
