Viral Video : अंगावरून ट्रेन जाऊनही ‘ती’ सुखरूप

युट्युबच्या ट्रेंडिग लिस्टमध्ये या आठवड्यात दुस-या क्रमांकावर असलेल्या या व्हिडिओला सोशल मीडियावर मोठ्या प्रमाणात हिट्स मिळत आहेत. आतापर्यंत ५४ लाख लोकांनी हा व्हिडिओ पाहिला आहे. एका रेल्वे स्टेशनवरचा हा व्हिडिओ आहे. एका महिलेच्या अंगावरून ट्रेन जाते. ही महिला काही वाचणार नाही असच मनात धरून जो तो ट्रेन निघून जाण्याची वाट बघत असतं पण आश्चर्य म्हणजे ट्रेन निघून गेल्यानंतरही ती महिला रुळावरून सुखरूप बाहेर आली. तिला साधे ओरखडेही आले नव्हते. इतर प्रवाशांनी तिला नंतर रुळावरून खेचून बाहेर काढलं. कदाचित हा एका स्टंटचाही प्रकार असू शकतो. ही घटना कुठची हे मात्र समजू शकले नाही. ‘इन्क्रेडिबल इंडिया’ या युट्युब चॅनलवरून हा व्हिडिओ अपलोड करण्यात आला आहे. या व्हिडिओची सत्यता आम्ही पडताळली नाही पण सोशल मीडियावर हा व्हिडिओ व्हायरल होत आहे.