Viral video: लूटमार, चोरी अशा गुन्ह्यांची संख्या वाढतच चालली आहे. चोर चोरी करण्यासाठी नवनवीन आयडिया घेऊन येत असतात. कितीही चलाख चोर असू देत पोलीस चोराला शोधून काढतातच. तरीही चोऱ्यांचे प्रमाण काही कमी होत नाही. चोरी करताना चोरटे अगदी नियोजन करून चोरी करतात, असे म्हटले जाते. कारण- चोरी करताना तो पकडला जाण्याची त्याला भीती असते. तसे झाल्यास आधी सार्वजनिक ठिकाणी असलेले लोक चोराला पकडून मारतात आणि मग पोलिसांच्या ताब्यात देतात. चोरी करणं हा गुन्हा आहे. अन् जर का तुम्ही चोरी करताना पकडला गेलात, तर तुम्हाला मोठी शिक्षा होऊ शकते.
चोराला घडली जन्माची अद्दल
मोठी शिक्षाही होऊ शकते हे माहीत असूनही काही मंडळी झटपट पैसा कमावण्यासाठी गुन्हेगारीचा रस्ता निवडतात. अशाच एका गुन्हेगाराचा व्हिडीओ समोर आला आहे. त्यामध्ये चोराचा डाव थोडक्यात हुकला आणि चोराला जन्माची अद्दल घडली आहे. पुढे या चोराचं काय झालं ते तुम्हीच पाहा.
या व्हिडीओमध्ये तुम्ही पाहू शकता की, एक चोर घराच्या आवारात चोरी करण्यासाठी शिरतो. यावेळी तो घराभोवती असणाऱ्या भिंतीवर चढून गुपचूप आतमध्ये प्रवेश करतो. चोर बरोबर डोकं लावून चोरी करण्याच्या तयारीत आहे, त्याची ही चोरी यशस्वीही होते. तो एक सायकल घेतो आणि भिंतीवरून पलीकडे टाकतो. त्यानंतर तोही बाहेर पडण्यासाठी भिंतीवर चढतो, मात्र तिथेच त्याचा सगळा डाव पलटतो. घराचे मालक घराबाहेर येतात आणि या चोराला पकडतात, चोराचा पाय पकडून त्याला आतमध्ये खेचतात. या व्हिडीओमध्ये तुम्ही पाहू शकता की, घराचा हा मालक इतका धिप्पाड आहे की त्यानं चोराला लाथा-बुक्क्यांनी मारहाण केली. चोराला मालकानं अशी अद्दल घडवली की, तो पुन्हा कधीच चोरी करणार नाही.
पाहा व्हिडीओ
हेही वाचा >> बापरे! रेल्वे प्लॅटफॉर्मवर दिसला भलामोठा साप; प्रवाशांचा उडाला थरकाप अन् पुढे काय झालं तुम्हीच पाहा VIDEO
नेटकऱ्यांच्या प्रतिक्रिया
हा व्हिडीओ सोशल मीडियावर @SteveInmanUIC नावाच्या एक्स अकाउंटवरून शेअर करण्यात आला आहे. हा व्हिडीओ आतापर्यंत लाखो वेळा पाहिला गेला आहे. त्यासोबतच अनेकांनी त्यावर कमेंट्सही केल्या आहेत. एका व्यक्तीने लिहिलेय की, “त्या व्यक्तीला पोलिसांच्या ताब्यात द्या, तक्रार करा.” तर आणखी एकानं म्हटलंय की, “एकदम बरोबर केलं.”
