“प्रसिद्धीची हवा एवढ्या लवकर डोक्यात घुसली?” महाकुंभमेळ्यातील सुंदर मुलीनं युट्यूबरसोबत काय केलं पाहा; VIDEO झाला व्हायरल

सध्या सोशल मीडियावर माळा विकणाऱ्या एका सुंदर तरुणीचा व्हिडिओ वेगाने व्हायरल होत आहे. यात अनेकजण तिच्या सुंदरतेवर भाळून तिच्याकडे एका सेल्फीची मागणी करताना दिसून येत आहे. काजळ घातलेले सुंदर डोळे आणि डस्की त्वचा असलेल्या मुलीचे अनेक व्हिडीओ समोर आले आहेत. तिचा एक व्हिडीओ खूप व्हायरल होत आहे, परंतु हा व्हिडीओ चुकीच्या कारणास्तव व्हायरल होत आहे. महाकुंभमेळ्यात दर्शनासाठी आलेले भाविक अक्षरश: रांगा लावून तिच्यासोबत फोटो काढत होते. पण इतकं फेम मिळत असताना सुद्धा या मुलीला कुंभमेळ्यातून पळ काढावा लागतोय. आश्चर्याची गोष्ट म्हणजे ती लोकांवर इतकी भडकलीये की तिनं एका युट्यूबरचा अक्षरश: मोबाईलच तोडला.

या व्हिडीओमध्ये तुम्ही पाहू शकता, अनेकजण तरुणीचा व्हिडिओ अथवा फोटो आपल्या मोबाईलमध्ये काढतानाही दिसतात. मुख्य म्हणजे, तरुणी तेथून निघून गेल्यानंतरही लोक तिचा पिच्छा सोडत नाही आणि तिच्या मागेमागे जाऊ लागतात. याचा व्हिडीओही सध्या व्हायरल होत आहे मात्र तिच्या वागणुकीमुळे सर्वजण तिच्यावर टीका करत आहेत. प्रसिद्धीची हवा एवढ्या लवकर डोक्यात घुसली का असा सवालही नेटकरी करत आहेत.

पाहा व्हिडीओ

सोशल मीडियावर हा व्हिडीओ laxmi_nath_official नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरीही वेगवेगळ्या प्रतिक्रया देत आहेत.