तुम्ही बाईक बिनधास्त कुठेही पार्क करताय? चोर अवघ्या सेकंदात अशी करतायत बाईकची चोरी; धक्कादायक VIDEO पाहाच

गेल्या अनेक वर्षांपासून मुंबई, पुण्यासारख्या शहरांत बाईक चोरीच्या घटना सातत्याने घडतायत. चोर रस्त्यावर पार्क केलेल्या महागड्या बाईक्सचे इंजिन, महत्त्वाचे पार्ट्स रात्रीच्या अंधाराचा फायदा घेऊन चोरताना दिसतात. चोरीच्या घटनांचे हे व्हिडीओ सोशल मीडियावरही व्हायरल होत असतात. पण, तुम्हीही जर अशाप्रकारे अनोळखी ठिकाणी रस्त्यावर बाईक पार्क करून बिनधास्त कुठेही जात असाल तर सावध व्हा. कारण व्हायरल व्हिडीओत तुम्ही पाहू शकता की, एक चोर अवघ्या सेकंदात बाईक चोरून पसार होतोय.

हँडलवर पाय ठेवून लॉक तोडतो अन्….

व्हायरल व्हिडीओत तुम्ही पाहू शकता, एका ठिकाणी अनेक वाहनं उभी असल्याचे दिसत आहे, त्या वाहनांच्या मागे एक बाईकही उभी आहे. यावेळी एक चोर तिथे येतो आणि बाईकच्या सीटवर बसतो. जणू काही आपलीच बाईक आहे अशा उविर्भावात तो बाईकवर बसतो. यानंतर आजूबाजूला पाहतो आणि बाईक हँडल एका बाजूने पकडतो आणि दुसऱ्या बाजूने दोन्ही पाय ठेऊन लॉक तोडण्यासाठी बळाचा वापर करतो. अशाप्रकारे बाईकचे लॉक तोडल्यानंतर तो हाताने बाईक टर्न करतो पण बाईक सुरुच होऊ न शकल्याने तो बाईक चालवत घेऊन जातो. हा व्हिडीओ नेमका कुठला आहे याची माहिती मिळू शकली नाही, पण हा व्हिडीओ मात्र खूप व्हायरल होतोय.

बाईक चोरीच्या धक्कादायक घटनेचा व्हिडीओ @VishalMalvi_ नावाच्या अकाउंटवरून पोस्ट करण्यात आल आहे. व्हिडीओच्या कॅप्शनमध्ये लिहिले आहे की, “भाऊ बाइकची चावी घरीच विसरला वाटतं”. दरम्यान, इतर युजर्सदेखील व्हिडीओवर खूप कमेंट्स करत आहेत. व्हिडीओ पाहिल्यानंतर एका युजरने लिहिले की, “किती सहज लॉक तोडले”. दुसऱ्या युजरने लिहिले की, “त्याची लॉक तोडण्याची टेक्निक तर पाहा”. तिसऱ्या युजरने लिहिलेय की, “आजकाल ही एक गंभीर समस्या बनली आहे”.