“हे सगळं करताना एकदाही आई-वडील आठवत नाहीत?” तरुणानं रीलसाठी अक्षरश: कळस गाठला; VIDEO पाहून थरकाप उडेल

उत्तर प्रदेशातील सहारनपूरमध्ये एका तरुणाने इन्स्टाग्राम रीलसाठी आपला जीव धोक्यात घातल्याची धक्कादायक घटना घडली आहे. जीवघेणे स्टंट करणाऱ्या तरुणाचा व्हिडिओ सोशल मीडियावर आला आणि त्यानंतर सोशल मीडियावर व्हायरल झाला. व्हिडिओमध्ये दिसत आहे की, तरुण एनएच-344 वरील ३० फूट उंच हायवे होर्डिंगवर चढून रील करण्यासाठी आणि स्टंट करत आहे. व्हिडिओमध्ये त्याचे मित्रही खाली उभे राहून आनंद व्यक्त करताना, व्हायरल झालेल्या गाण्यावर नाचताना आणि व्हिडिओ रेकॉर्ड करताना दिसत आहेत.

या व्हिडीओमध्ये तुम्ही पाहू शकता, हा तरुण NH-३४४ वरील एका मोठ्या साइनबोर्डवर चढला, ज्यावर शहराची नावे आणि अंतर लिहले आहे. त्याने चढलेल्या बोर्डवर “सहारनपूर – ४४ किमी” असे लिहिले आहे. घटनेचे नेमके ठिकाण अद्याप निश्चित झालेले नाही, तथापि, राष्ट्रीय महामार्ग – ३४ वरील ठिकाणापासून सहारनपूर ४४ किलोमीटर अंतरावर असल्याचे साइनबोर्डवरून स्पष्ट होते, जिथे व्हिडिओ शूट केला गेला आणि सोशल मीडियावर व्हायरल झाला. यावेळी स्टंट करण्यासाठी धोकादायक पद्धतीने तो वर उभा असल्याचं दिसत आहे. यावेळी त्याचे मित्री त्याला प्रोत्साहन देत खाली उभे राहून व्हिडिओ रेकॉर्ड करताना दिसत आहेत. यावेळी एक चुकीचं पाऊल या तरुणाच्या जीवावर बेतू शकतं.

पाहा व्हिडीओ

पोलिसांची कारवाई

या प्रकरणाशी संबंधित कोणत्याही अटकेचे वृत्त नाही. मात्र, पोलिसांनी व्हायरल झालेल्या व्हिडिओची दखल घेत या प्रकरणाच्या चौकशीचे आदेश दिले आहेत. पोलिसांनी व्हायरल झालेल्या व्हिडिओला उत्तर दिले आणि सांगितले की, “या प्रकरणी संबंधित व्यक्तीवर आवश्यक कारवाई करण्याचे निर्देश दिले आहेत.” हा व्हिडिओ सोशल मीडियावर व्हायरल झाला असून सोशल मीडियावर काही लाईक्स आणि शेअर्ससाठी तरुणांनी जीव धोक्यात टाकल्याबद्दल नेटकरी टीका करत आहेत. एकानं म्हंटलंय, “जीव एवढा स्वस्त असतो का जरा हॉस्पिटलमध्ये जा मग कळेल” तर आणखी एकानं, “हे सगळं करताना एकदाही आई-वडील आठवत नाहीत?” अशी प्रतिक्रिया दिली आहे. तसेच अशा व्हिडीओमध्ये सहभागी असलेल्या तरुणांवर कठोर कारवाई करण्याची मागणीही ते करत आहेत.