जीव एवढा स्वस्त असतो का? रीलच्या नादात होत्याचं नव्हतं झालं; पाय घसरून तरुणी थेट दरीत कोसळली; VIDEO पाहून थरकाप उडेल

सोशल मीडियावर व्हायरल होण्याची क्रेझ इतकी वाढली आहे की, लोकांना काहीही करून व्हायरल व्हायचे आहे. त्यासाठी स्वत:चा व इतरांचा जीव पणाला लावावा लागला तरी चालेल. रीलमाफियांना पोलिस आणि कायद्याची भीती तर नाहीच; पण आपला जीव गमवावा लागण्याचीही भीती राहिलेली नाही. आता आणखी एक धक्कादायक व्हिडीओ व्हायरल होत आहे; ज्यामध्ये एक तरुणी उंच डोंगराच्या कड्यावर उभी राहून रील बनवत होती. त्यादरम्यान तिचा पाय घसरतो आणि ती दरीत कोसळते. अवघ्या एक मिनिटात हे सगळं घडलं.

नेमकं काय घडलं?

या व्हिडीओमध्ये तुम्ही पाहू शकता की, ही तरुणी डोंगराच्या कड्यावर उभी आहे. यावेळी ती स्वत:चा जीव धोक्यात घालून रील बनविताना दिसत आहे. काही वेळानं ती ओढणी डोक्यावर घेऊन तिथे नाचत असताना अचानक तिचा तोल जाऊन पाय घसरतो आणि ती थेट गोल गोल फिरत दरीत कोसळते. यावेळी तिचा व्हिडीओ काढणाराही आरडाओरड करताना दिसत आहे.

पाहा व्हिडीओ

हेही वाचा >> Jugad Video: गाडीवर चढून कुत्रे करतात घाण, तरुणानं केला खतरनाक जुगाड; आता कुत्रे काय वाघही येणार नाही गाडीजवळ

जीव एवढा स्वस्त असतो का ?

सोशल मीडियावर हा व्हिडीओ palampursamachar नावाच्या इन्स्टाग्राम अकाउंटवरून शेअर करण्यात आला आहे. प्रसिद्धीझोतात येण्यासाठी तरुणाई स्टंट करताना दिसून येते. दिवसेंदिवस निरनिराळे स्टंट करण्याची जणू क्रेझच झाली आहे. सोशल मीडियावर व्हायरल होण्यासाठी लोक अशा प्रकारच्या गोष्टी करताना दिसून येतात. नेटकरीही हा व्हिडीओ पाहून संतापले आहेत. एकानं म्हटलंय, “जीव एवढा स्वस्त असतो का?” तर आणखी एक जण म्हणतोय, “काही क्षणांच्या आनंदासाठी असं नका करू.”

काही महिन्यांआधी महाराष्ट्रात दोन धक्कादायक घटना घडल्या. एक म्हणजे लोणावळ्यात एकाच कुटुंबातील पाच जण वाहून गेल्याची घटना रविवारी, ३० जून रोजी घडली होती. ती घटना ताजी असतानाच ताम्हिणी घाटातही एक तरुण वाहून गेल्याची घटना घडली.