उद्योगपती आनंद महिंद्रा सोशल मीडियावर खूप सक्रिय असतात. अनेकदा ते त्यांच्या फॉलोअर्ससाठी प्रेरणादायी आणि मजेशीर पोस्ट शेअर करत असतात. त्यांच्या अनेक पोस्ट लोकांनाही खूप आवडतात. अनेकदा आनंद महिंद्रा आपल्या पोस्टद्वारे लोकांना सामाजिक समस्यांची जाणीव करुन देतात, तसेच जीवनासंबंधित चांगल्या गोष्टींची जाणीव करून देतात. अनेकदा त्यांच्या पोस्ट ट्विटरवरही व्हायरल होतात. नुकतीच अशीच आणखी एक मजेशीर घटना समोर आली आहे.
त्याचे झाले असे की, एक्सवरील (पूर्वीचे ट्विटर) एका युजरने आनंद महिंद्रांकडे पैशांची मागणी केली होती. युजरने आनंद महिंद्रांना एक ट्विट करत चक्क एक लाख रुपयांची मागणी केली आहे. पण, ज्या कामासाठी व्यक्तीने हे पैसे मागितले आहेत ते जाणून घेतल्यावर कोणीही म्हणेल की यासाठी धैर्य लागते.
त्या व्यक्तीने आपल्या पोस्टमध्ये लिहिले आहे की, सर, मला महिंद्राचे शेअर्स खरेदी करण्यासाठी एक लाख रुपये हवे आहेत. मग काय, आनंद महिंद्रा यांनी त्याला असे काही उत्तर दिले की, जे आता सोशल मीडियावर व्हायरल होत आहे.
दरम्यान @R41534672 नावाच्या एका युजरने आनंद महिंद्रांना एक्सवर टॅग केले आणि लिहिले की, सर, मला महिंद्राचे शेअर्स खरेदी करण्यासाठी एक लाख रुपये हवे आहेत. यावर आनंद महिंद्रा यांनी उत्तर देत लिहिले की; काय कल्पना आहे सर, तुमच्या धाडसासाठी टाळ्या! विचारण्यात काय हरकत आहे?
आता ही पोस्ट सोशल मीडियावर खूप व्हायरल होत आहे. ज्यावर युजर्स वेगवेगळ्या कमेंट्स करत आहेत. एका युजरने लिहिले की, काय आत्मविश्वास आहे. दुसऱ्या युजरने लिहिले की, सांगू शकत नाही कोण कोणत्या मूडमध्ये असेल आणि तो सहमत झालाच तर. अशाप्रकारे अनेकांनी मजेशीर कमेंट्स केल्या आहेत.
