Sita- Ram Mandir Chicken Shop Video: लाईटहाऊस जर्नालिज्मला एक व्हिडिओ सोशल मीडिया प्लॅटफॉर्मवर मोठ्या प्रमाणावर शेअर होत असल्याचे आढळले. चार वर्षांपूर्वी राहुल गांधी आणि प्रियंका वाड्रा यांनी वायनाडमध्ये मुस्लिमांच्या नावावर मंदिर नोंदणीकृत केल्याचा दावा पोस्टमध्ये केला जात आहे. तपासादरम्यान या दाव्यात पाकिस्तानचा थेट संबंध असल्याचे लक्षात आले आहे. नेमकं हे प्रकरण काय, हे पाहूया…
काय होत आहे व्हायरल?
X यूजर Swami Ramsarnacharya Pandey ने व्हायरल व्हिडिओ आपल्या प्रोफाइल वर शेअर केला.
इतर वापरकर्ते देखील व्हिडीओसह हाच दावा शेअर करत आहेत.
तपास:
आम्ही InVid टूलमध्ये व्हिडीओ अपलोड करून आमचा तपास सुरू केला. त्यानंतर आम्ही व्हिडीओमधून मिळवलेल्या कीफ्रेमवर रिव्हर्स इमेज सर्च केले.आम्हाला इंस्टाग्रामवर एक रील सापडली. कॅप्शननुसार, व्हिडीओमध्ये दिसणारे मंदिर पाकिस्तानमधील सीता राम मंदिर आहे.
त्यानंतर आम्ही गूगल कीवर्ड सर्च केले आणि YouTube चॅनल MyNation वर चार महिन्यांपूर्वी अपलोड केलेला व्हिडीओ सापडला.
व्हिडीओचे शीर्षक इंग्रजीमध्ये होते: Conversion of Sita-Ram temple in Pakistan’s Ahmadpur Sial to chicken shop sparks outrage
डिसेंबर २०२३ मध्ये अपलोड केलेल्या व्हिडिओच्या डिस्क्रिप्शनमध्ये असे म्हटले होते: सीता राम मंदिराचे चिकन शॉपमध्ये रूपांतर करणे हे केवळ संतापजनक कृत्य नाही तर धर्म स्वातंत्र्याच्या अधिकाराचे स्पष्ट उल्लंघन आणि उघड अवहेलना आहे. सांस्कृतिक विविधता पाकिस्तानच्या अस्मितेचा अविभाज्य भाग आहे.
आम्हाला या घटनेबद्दल बऱ्याच बातम्या सापडल्या.
रिपोर्ट मध्ये नमूद केले आहे: शतकापूर्वी बांधलेल्या सीता-राम मंदिराचे ऐतिहासिक आणि सांस्कृतिक महत्त्व खूप आहे. ते या प्रदेशातील हिंदूंसाठी प्रार्थनास्थळ होते, अशी बातमी न्यूज इंटरव्हेंशनने दिली.
निष्कर्ष: पाकिस्तानमधील ऐतिहासिक सीता राम मंदिराचे चिकन शॉपमध्ये रूपांतर केल्याचा चार महिने जुना व्हिडिओ वायनाडचा म्हणून मोठ्या प्रमाणावर शेअर केला जात आहे. व्हायरल दावा खोटा आहे.
