disadvantages of smartphone cover: मोबाईल हा आपल्या सर्वांच्या जीवनाचा एक महत्त्वाचा भाग बनला आहे. आजकाल ऑफिसच्या कामापासून ते ऑनलाईन शिक्षणापर्यंत, पेमेंटपासून ते शॉपिंगपर्यंत सर्व काही स्मार्टफोनच्या एका क्लिकवर करता येते. स्मार्टफोन एक गरज तर आहे. पण, काही मॉडेल असेही आहेत जे स्टेटस सिम्बॉल देखील दर्शवतात, तर काही मॉडेल्स अशी आहेत ज्यांची रचना खूप सुंदर आहे किंवा आकर्षक आहे. फोनला फिजिकल डॅमेज होऊ नये म्हणून अनेकजण बॅक कव्हरचा पर्याय निवडतात. वेगवेगळ्या रंगाचे आणि आकारांचे अगदी स्टायलिस्ट बॅक कव्हर सध्या बाजारात उपलब्ध आहेत.
स्मार्टफोनला नव-नवीन कव्हर लावताय?
अशा परिस्थितीत आपला मोबाईल नेहमी स्टायलिश दिसावा ही प्रत्येकाची इच्छा असते. आणि हल्ली सगळ्यांकडेच महागडे मोबाईल असतात, त्यामुळे मोबाईल अनेक दिवस चांगला राहावा यासाठी लोक त्यावर कव्हर देखील वापरतात. पण, यामुळे स्मार्टफोनचे काही अंशी नुकसान देखील होऊ शकते. त्यामुळे जाणून घ्या कव्हर वापरल्याने मोबाईलचे नेमके काय नुकसान होते.
काय नुकसान होते जाणून घेऊया
थंडीमध्ये स्वतःला सुरक्षित ठेवण्यासाठी आपण ब्लँकेट वापरतो, परंतु तेच उन्हाळ्यात तसे करत नाही. कारण आपल्याला आधीच गरम होत असतं. त्याचप्रमाणे एरवी जास्त मोबाईल वापरल्यामुळे मोबाईल गरम होतो, अशात उन्हाळ्याच्या दिवसात स्मार्टफोन जास्त वापरल्याने गरम होतो आणि अशा परिस्थितीत जर तुम्ही मोबाईल कव्हर देखील लावले असेल तर फोन आणखी गरम होतो. उष्णतेमुळे फोनच्या कार्यक्षमतेवरही याचा परिणाम होतो. नेहमी असे होईलच असे नाही. परंतु, नियमीत ते वापरल्यास असे होण्याची शक्यता आहे.
- फोन वारंवार गरम झाल्याने तो हँग होऊ लागतो. अचानक बंद होणं, स्क्रीन रिस्पॉन्स न करणं, फोन रिसिव्ह न करता येणं, यासारख्या अडचणी फोन हँग होण्यास सुरुवात झाली की जाणवू लागतात.
- कव्हरमुळे फोनमधील हीट बाहेर पडू शकत नाही आणि तो तापतो. त्यामुळे त्याच्या बॅठरीवरही परिणाम होतो.
- युजर्स मोबाईल कव्हर कधीच काढून स्वच्छ करत नाही. वर्षानुवर्षे मोबाईल कव्हरच्या वापरामुळे पॅनलवर धूळ साचते, त्यामुळे फोनची बॉडी खराब होऊ शकते.
हे काम करा
मोबाईल कव्हर लावल्याने फोनची रचना आणि लूक झाकला जातो. सोप्या शब्दात सांगायचे तर, कव्हरमुळे स्मार्टफोनचे लुक पूर्णपणे लपले जाते. तसेच मोबाईल गरम होणे ही मोठी समस्या आहे, त्यामुळे मोबाईल हा कव्हरशिवाय वापरणेच योग्य ठरेल. तसेच, कव्हरशिवाय, तुमचा फोन अधिक मस्त आणि स्टाइलिश दिसतो.
