Viral Video : साप हा शब्द जरी कानावर पडला तरी अंगावर काटा येतो. मानवी वस्तीमध्ये अनेकदा साप आढळतात. मानवी वस्तीतील सापाचे व्हिडीओ अनेकदा सोशल मीडियावर व्हायरल होतात. कधी घरात तर कधी अंगणात साप दिसून येतात. साप दिसल्यानंतर कोणाच्याही अंगावर काटा येतो. काही लोक साप पकडण्यासाठी सर्पमित्राला बोलावतात. सध्या असाच एक व्हिडीओ व्हायरल होत आहे. या व्हिडीओमध्ये तुम्हाला दिसेल की एका व्यक्तीने दरवाज्याच्या हँडल ओढताच त्याच्यावर सापाने हल्ला केला आहे. व्हिडीओ पाहून तुमचाही थरकाप उडेल. सध्या हा व्हिडीओ चांगलाच व्हायरल होत आहे. (Snake wraps itself around door handle video viral)
या व्हिडीओमध्ये तुम्हाला दिसेल की एका भयानक सापाने एका व्यक्तीवर हल्ला केला आहे. हा साप दरवाज्याच्या हँडलवर गुंडाळलेला होता. व्हिडीओत तुम्हाला दिसेल की एक व्यक्ती घराच्या बाहेर पडते आणि दरवाजा बंद करताना हॅन्डलवर असलेला साप अचानक त्याच्या हातावर हल्ला करतो हल्ला करताच ही व्यक्ती त्याचा हात मागे घेत पळत सुटते. नशीब चांगले की साप त्या व्यक्तीला चावला नाही पण ही घटना कोणत्या वाईट स्वप्नापेक्षा कमी नाही. ही घटना सीसीटिव्ही कॅमेरात कैद झाली. या सीसीटिव्ही फुटेजचा हा व्हिडीओ सध्या सोशल मीडियावर व्हायरल होत आहे. हा व्हिडीओ पाहून कोणाच्याही अंगावर काटा येईल.
तुम्ही सुद्धा दरवाज्याची कडी किंवा हँडलवर हात ठेवताना काळजी घ्या. अनेकदा आपल्या घराच्या परिसरात साप आढळून येतात. त्यामुळे वेळोवेळी सतर्क राहणे गरजेचे आहे. ही घटना अमेरिकेतील स्पार्टनबर्ग येथील आहे.
पाहा व्हायरल व्हिडीओ
हेही वाचा : चित्रकाराची किमया! एअर होस्टेसचं बनवलं खास डूडल; कलाकारी पाहून ‘तिने’ काय दिलं रिटर्न गिफ्ट? VIDEO तून बघा
ViralHog या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “साप दरवाज्याजवळ वाट बघतोय” १७ हजारहून अधिक लोकांनी हा व्हिडीओ बघितला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “साप म्हणत असावा मी दरवाजा बंद करतोय” तर एका युजरने लिहिलेय, “हा कोणत्या प्रकारचा साप आहे”
