Delhi man spots Zomato delivery agent eating customer’s food : सिम्पली ब्लडचे संस्थापक म्हणून लोकप्रिय असलेले आणि सामाजिक कार्यात त्यांच्या महत्त्वपूर्ण योगदानासाठी प्रसिद्ध असलेले किरण वर्मा यांनी अलीकडेच लिंक्डइनवर एक हृदयस्पर्शी पोस्ट शेअर केली आहे ज्यामध्ये त्यांनी झोमॅटोचे सीईओ दीपिंदर गोयल यांचे झोमॅटोच्या फूड डिलिव्हरी अ‍ॅप बाबतच्या विशिष्ट धोरणाबद्दल आभार मानले आहेत.
त्यांच्या पोस्टमध्ये, वर्मा म्हणाले की,”त्यांना एका झोमॅटो डिलिव्हरी पार्टनर ग्राहकाने ऑर्डर केले अन्न खाताना दिसले. हे गृहित धरून त्यांनी फोटो काढला पण जेव्हा त्या डिलिव्हरी पार्टनरशी संवाद सादल्यानंतर की, ग्राहकाला ती ऑर्डर देऊ शकला नाही आणि अशा परिस्थितीत, झोमॅटो डिलिव्हरी पार्टनरना ऑर्डर “डिलिव्हर्ड” म्हणून चिन्हांकित करण्याची सूचना देते आणि त्यांना अन्नबाबत हवे ते करण्याचे स्वातंत्र्य देते स्वातंत्र्य देते.
डिलिव्हरी बॉयने का खाल्ले ग्राहकाचे जेवण (Why did the delivery boy eat the customer’s food?)
“हे अनैतिक किंवा चुकीचे वाटू शकते, परंतु ही चांगली पद्धत आहे, कारण अशा प्रकारे डिलिव्हरी पार्टनर त्यांच्या जेवणाचे थोडे पैसे वाचवतात आणि वाया जाण्यावर नियंत्रण ठेवता येते. मी विचारले की,”तुम्ही आधीचे अन्न का खाल्ले नाही?” त्यांनी उत्तर दिले, ‘होळीमुळे, आम्हाला अधिक ऑर्डर देण्यासाठी प्रोत्साहन मिळते आणि दुपारच्या जेवणाची वेळ असल्याने या वेळी खूप जास्त ऑर्डर मिळतात. मी जेवणाऐवजी ऑर्डर देत राहिलो’,”असे वर्मा यांनी त्यांच्या पोस्टमध्ये लिहिले.
वर्मा यांनी असेही सांगितले की डिलिव्हरी पार्टनर्सना अनेकदा महिन्याला २०,०००-२५,००० रुपयेही मिळत नाहीत. पदवीधर असूनही, ज्या माणसाशी तो बोलला त्याला दुसरी नोकरी मिळत नव्हती. “संपूर्ण कुटुंब त्याच्या कमाईवर अवलंबून असते आणि म्हणूनच असे अन्न त्याच्यासाठी बचत किंवा जीवनरेखा आहे,” वर्मा यांनी लिहिले. त्यांनी असेही म्हटले की, “जेव्हा मी त्याला कोणत्याही प्रकारे मदत करण्याची ऑफर दिली तेव्हा तो हसला आणि म्हणाला, ‘सर, मी जास्त काम करू शकतो, पण भीक मागू शकत नाही’.”
येथे पाहा पोस्ट
नेटकरी काय म्हणाले
वर्मा यांच्या पोस्टमुळे वाद निर्माण झाला कारण अनेक लिंक्डइन वापरकर्त्यांना वाटले की,”ही झोमॅटोची “अनैतिक” पद्धत आहे. “आधी डिलिव्हरी झाली असे चिन्हांकित करणे आणि नंतर कोणत्याही कृतींना परवानगी देणे असे वातावरण निर्माण करते जे शोषणाला आमंत्रण देते, गैरवर्तनाला प्रोत्साहन देते. फक्त एक विचार आहे,” एका वापरकर्त्याने लिहिले. “झोमॅटोला त्यांच्या डिलिव्हरी असोसिएट्ससाठी डिलिव्हरी कन्फर्मेशन अॅपमध्ये ‘डिलिव्हरीचा प्रयत्न केला पण ग्राहक उपलब्ध नाही’ हा पर्याय जोडून एक साधा बदल करण्याची आवश्यकता आहे,” दुसऱ्या वापरकर्त्याने कमेंट केली.
“खूपच हृदयस्पर्शी पोस्ट. शेअर केल्याबद्दल धन्यवाद. “आपल्यापैकी काही जण उत्सव साजरा करत असताना इतके लोक इतके कठोर परिश्रम करत आहेत हे खूप दुर्दैवी आहे,” तिसऱ्या वापरकर्त्याने लिहिले.
