VIDEO: बापाला मिठी मारून कधी बघितलंय का? सरकारी नोकरीचा रिझल्ट लागल्यावर वडीलांची प्रतिक्रिया पाहून येईल डोळ्यांत पाणी

अशाच एका मुलानं सरकारी नोकरीचं स्वप्न पाहिलं. सध्या एक व्हिडीओ सोशल मीडियावर तुफान व्हायरल होत आहे. सरकारी नोकरी रिझल्ट लागतो मुलगा पास हातो आणि त्यावेळी वडिलांना होणारा आनंद हा शब्दात व्यक्त होऊ शकत नाही. बाप-लेकाचा हा व्हिडओ पाहून तुमच्याही डोळ्यात नकळत पाणी येईल.

प्रत्येकाच्या आयुष्यात वडिलांचे महत्त्व अनन्यसाधारण आहे. अनेकदा आपण आईविषयी बोलतो, तिच्याविषयी प्रेम व्यक्त करतो पण वडिलांविषयी फार व्यक्त होत नाही. आई इतकेच प्रेम, काळजी जिव्हाळा वडिलांमध्येही दिसून येतो. अनेकदा वडिलांना कठोर वागावे लागते पण याचा अर्थ हा नाही की ते तुमच्यावर प्रेम करत नाही. अनेकदा वडिल व्यक्त होत नाही आणि आपण सुद्धा त्यांच्याकडे प्रेम व्यक्त करायला घाबरतो. मात्र मित्रांनो आयुष्यात एकदा तरी वडिलांना मिठी नक्की मारून पाहा. या व्हिडीओमध्ये तुम्ही पाहू शकता, वडील बेडवर बसले आहेत, यावेळी मुलगा सरकारी नोकरी लागल्याची बातमी येऊन वडिलांना सांगतो. ज्या क्षणाची इतक्या वर्षांपासून वाट बघत होते तो क्षण आल्यानंतर वडिलांनाही अश्रू अनावर झाले आहेत तर मुलगाही वडिलांना मिठी मारुन रडत आहे.

पाहा व्हिडीओ

हेही वाचा >> VIDEO: “देवा सुंदर जगामंदी का रं माणूस घडविलास” मृत्यूनंतरही यातना संपेना..लोकांनी मेलेल्या मोराबरोबर काय केलं पाहा

सोशल मीडियावर हा व्हिडीओ lay_bhari_official नावाच्या इन्स्टाग्राम अकाऊंटवरुन शेअर करण्यात आला आहे. यावेळी व्हिडीओवर “सरकारी नोकरी लागल्यावर बापाच्या मिठीत जाण्यात वेगळाच आनंद असतो !“ असं कॅप्शन लिहलं आहे. हा व्हिडीओ पाहून प्रत्येकाच्या डोळ्यात पाणी आलं आहे.