Video viral on social media: शाळा-कॉलेजांमध्ये मुला-मुलींमध्ये भांडणे होत असतात. अनेक वेळा मुलं हिंसक होतात आणि एकमेकांवर हल्लाही करतात. या सगळ्यात शाळा किंवा शाळेतील शिक्षक हस्तक्षेप करण्याचा प्रयत्न करतात. अशाच एका भांडणात एका शाळेतील शिक्षिकेने मध्यस्ती करत भांडणं सोडवण्याचा प्रयत्न केला मात्र हेच त्यांच्या अंगलट आलं. कारण एका विद्यार्थींनीनं चक्क लोखंडी खुर्चीच शिक्षिकेच्या डोक्यात मारली. या घटनेचा धक्कादायक व्हिडिओ सोशल मीडियावर व्हायरल झाला आहे.
लोखंडी खुर्ची उचलून फेकून मारली
खरं तर, २८ सप्टेंबर अमेरिकेतील साउथवेस्टर्न क्लासिकल अकादमीमध्ये दोन विद्यार्थिनींमध्ये जोरदार वाद झाला. व्हिडिओमध्ये तुम्ही पाहू शकता दोघीही एकमेकींच्या अंगावर धावून जात आहेत. यावेळी दोघींच्या मध्ये उभी असलेली महिला शिक्षिका दोघांनाही समजावण्याचा आणि शांत करण्याचा प्रयत्न करताना दिसत आहे. मात्र दोन मुलींपैकी एक मुलगी अचानक आरडाओरडा करत हिंसक बनते आणि वर्गात ठेवलेली लोखंडी खुर्ची उचलून दुसऱ्या मुलीवर फेकते. मात्र ही खुर्ची मध्येच उभ्या असलेल्या शिक्षिकेच्या डोक्याला लागते आणि त्या तिथेच पडतात. काही सेकंदांपर्यंत शिक्षिका पूर्णपणे बेशुद्ध झाल्या. यानंतर गंभीर गोष्ट म्हणजे शिक्षीका गंभीर जखमी असूनही मुली एकमेकींशी भांडतच आहेत.
पाहा व्हिडीओ
गंभीर अवस्थेत शिक्षक रुग्णालयात दाखल
त्यानंतर गंभीर अवस्थेत शिक्षिकेला तातडीने रुग्णालयात दाखल करण्यात आले असून त्यांच्यावर उपचार सुरू आहेत. या घटनेनंतर शाळेच्या मुख्यध्यापकांनी या मुलींच्या पालकांना कळवले आहे. या भांडणात एक कर्मचारीदेखील गंभीर जखमी झाला आहे. यामध्ये विद्यार्थींनींना कायदेशीर कारवाईला सामोरे जावे लागेल की शाळेतून काढून टाकले जाईल हे सध्या स्पष्ट झालेले नाही. दरम्यान यानंतर शाळेने पालकांना आश्वासन दिले आहे की ते या बाबी गांभीर्याने घेतात, आणि शाळेत सुरक्षित आणि पोषक वातावरण निर्माण करण्याचा प्रयत्न करतील.