Viral Video : सोशल मीडियावर अनेक व्हिडीओ व्हायरल होत असतात. लहान मुलांपासून वृद्ध लोकांपर्यंत अनेक जण आवडीने व्हिडीओ शेअर करत असतात. काही व्हिडीओ थक्क करणारे असतात तर काही व्हिडीओ मजेशीर असतात. सध्या असाच एक व्हिडीओ व्हायरल होत आहे. देशभरात सध्या प्रचंड थंडी पडली आहे. काही ठिकाणी तर तापमान शून्याच्याही खाली गेलय. भर दुपारी रस्त्यावर धुकं पडलेलं दिसतेय. अशा कडाक्याच्या थंडीमध्ये अंघोळ करणं हे एक मोठं आव्हानच आहे. यावेळी लोक वेगवेगळे जुगाड करताना दिसतात, अशाच एका तरुणाचा व्हिडीओ सध्या व्हायरल होत आहे. हा व्हिडीओ पाहून तुम्हीही अवाक् व्हाल. हो कारण या विद्यार्थ्यांनं शिक्षक शिकवत असताना चक्क वर्गातच अंघोळ केली आहे.
समोर आलेल्या माहितीनुसार ही घटना अमेरिकेतील फ्लोरिडा अटलांटिक यूनिवर्सिटीत घडला आहे. या व्हिडीओमध्ये तुम्ही पाहू शकता, विद्यार्थ्यांनी संपूर्ण वर्ग भरलेला आहे. शिक्षकही वर्गात शिकवत आहेत. मात्र याच वर्गात सर्वात मागे एक विद्यार्थी अक्षरश: कपडे काढून अंघोळ करत आहे. बरं, एवढंच नाही तर अंघोळ करताना तो शिक्षकांनी विचारलेल्या प्रश्नांची उत्तरं सुद्धा देतोय. “मला विश्वास बसत नाहिये शिक्षकांनी मला भर वर्गात अंघोळ करण्याची परवानगी दिली.” अशा आशयाचं कॅप्शन या व्हिडीओवर देण्यात आलं आहे.
व्हिडीओमध्ये पाहायला मिळतंय की, इतर विद्यार्थी शिक्षकांकडे लक्ष द्यायचं सोडून या तरुणाकडेच पाहत आहे.
पाहा व्हिडीओ
हेही वाचा >> चुके काळजाचा ठोका…; तरुणांनी चक्क झाडाला दुचाकी बांधून खेळला झोका; VIDEO पाहून व्हाल अवाक्…
हा व्हिडीओ अंघोळ करणाऱ्या मुलानंच सोशल मीडियावर त्याच्या एक्स अकाऊंटवरुन शेअर केला आहे. हा व्हिडीओ पाहून अनेकांना हा नक्की काय प्रकार आहे हेच कळलं नाहीये. त्यामुळे नेटकरी यावर वेगवेगळ्या प्रतिक्रिया देत आहेत. एका युजरने म्हंटलं आहे नक्की काय चालंलय हे? तर दुसरा युजर म्हणतो, एवढ्या मोठ्या यूनिवर्सिटीत हे असले प्रकार..तर आणखी एका युजर म्हणतो यामुळे इतर विद्यार्थ्यांचं नुकसान होतंय.
