वनडे विश्वचषक २०२३ ही क्रिकेट स्पर्धा अंतिम टप्प्यावर येऊन पोहोचली आहे. आज भारत विरुद्ध ऑस्ट्रेलिया यांच्यात होणारा विश्वचषकाचा अंतिम सामना दुपारी २ वाजता सुरू होईल. तसेच हा सामना पाहण्यासाठी चाहते अगदीच उत्सुक आहेत. विविध माध्यमांतून या दिवसाला आणखी खास करण्याचा प्रयत्न केला जात आहे. सोशल मीडियावर मीम्स, रील व्हिडीओ, खास पोस्ट शेअर केल्या जात आहेत. अशातच प्रसिद्ध वाळू कलाकार सुदर्शन पटनायक यांनी भारतीय संघाला शुभेच्छा देत वाळूत खास कला सादर केली आहे.
प्रसिद्ध वाळू कलाकार सुदर्शन पटनायक यांनीही ट्विटरवरून एक खास गोष्ट शेअर केली आहे आणि भारतीय संघाला शुभेच्छा दिल्या आहेत. सुदर्शन पटनायक यांनी वाळूत वर्तुळाकार मैदान रेखाटले आहे. त्यात हिरवा रंग भरण्यात आला आहे. तसेच वर्तुळाला निळ्या-लाल रंगाची बॉर्डर दिली आहे. मधोमध वर्ल्ड कप ट्रॉफीचे चित्र काढले आहे आणि ‘गुड लक टीम इंडिया’ (Good Luck Team India), असे इंग्रजी अक्षरांत लिहिले आहे. सुदर्शन पटनायक यांनी टीम इंडियासाठी रेखाटलेले खास चित्र एकदा तुम्हीसुद्धा पोस्टमधून बघा.
पोस्ट नक्की बघा :
GOOD LUCK #TeamIndia ??
— Sudarsan Pattnaik (@sudarsansand) November 18, 2023
For #CWC23 final #INDvAUS #CricketWorldCup2023 @ICC @BCCI pic.twitter.com/UBK01q932D
वाळूत रेखाटलेल्या चित्राला बाउल अन् चेंडूने सजवले :
सुदर्शन पटनायक पुरी बीचवर ५६ फूट लांब विश्वचषक ट्रॉफी वाळूत रेखाटून सुमारे ५०० स्टीलचे बाउल आणि ३०० क्रिकेट बॉल्स वापरून वर्ल्ड कप ट्रॉफीला सजवले आणि खास देखावा तयार केला. तसेच हे वाळूशिल्प पूर्ण करण्यासाठी त्यांना सुमारे सहा तास लागले आणि त्यांच्या सॅण्ड आर्ट इन्स्टिट्युटच्या विद्यार्थ्यांनी हे चित्र पूर्ण करण्यास त्यांना मदत केली. तसेच वाळूत ‘गुड लक टीम इंडिया’ या शब्दांतील शुभेच्छा इंग्रजी भाषेतील चेंडूंनी लिहिली आहे. विविध रंगांच्या सजावटीद्वारे ही खास कलाकृती सादर करण्यात आल्याचे तुम्हाला दिसून येईल.
सुदर्शन पटनायक हे प्रसिद्ध वाळू कलाकार आहेत. कला क्षेत्रातील त्यांच्या अतुलनीय योगदानाबद्दल त्यांना २०१४ मध्ये भारत सरकारने ‘पद्मश्री’ पुरस्काराने सन्मानित केले होते. सुदर्शन पटनायक मूळचे ओडिशा राज्यातील आहेत. ते वाळूपासून अनेक कलाकृती बनवीत अनेकांची मने जिंकत असतात. आज त्यांनी विश्वचषकाच्या अंतिम सामान्यनिमित्त भारतीय संघाला शुभेच्छा देण्यासाठी ही खास कला वाळूत सादर केली आहे. सोशल मीडियावर ही पोस्ट @sudarsansand या त्यांच्या अधिकृत एक्स (ट्विटर) अकाउंटवरून शेअर करण्यात आली आहे.
प्रसिद्ध वाळू कलाकार सुदर्शन पटनायक यांनीही ट्विटरवरून एक खास गोष्ट शेअर केली आहे आणि भारतीय संघाला शुभेच्छा दिल्या आहेत. सुदर्शन पटनायक यांनी वाळूत वर्तुळाकार मैदान रेखाटले आहे. त्यात हिरवा रंग भरण्यात आला आहे. तसेच वर्तुळाला निळ्या-लाल रंगाची बॉर्डर दिली आहे. मधोमध वर्ल्ड कप ट्रॉफीचे चित्र काढले आहे आणि ‘गुड लक टीम इंडिया’ (Good Luck Team India), असे इंग्रजी अक्षरांत लिहिले आहे. सुदर्शन पटनायक यांनी टीम इंडियासाठी रेखाटलेले खास चित्र एकदा तुम्हीसुद्धा पोस्टमधून बघा.
पोस्ट नक्की बघा :
GOOD LUCK #TeamIndia ??
— Sudarsan Pattnaik (@sudarsansand) November 18, 2023
For #CWC23 final #INDvAUS #CricketWorldCup2023 @ICC @BCCI pic.twitter.com/UBK01q932D
वाळूत रेखाटलेल्या चित्राला बाउल अन् चेंडूने सजवले :
सुदर्शन पटनायक पुरी बीचवर ५६ फूट लांब विश्वचषक ट्रॉफी वाळूत रेखाटून सुमारे ५०० स्टीलचे बाउल आणि ३०० क्रिकेट बॉल्स वापरून वर्ल्ड कप ट्रॉफीला सजवले आणि खास देखावा तयार केला. तसेच हे वाळूशिल्प पूर्ण करण्यासाठी त्यांना सुमारे सहा तास लागले आणि त्यांच्या सॅण्ड आर्ट इन्स्टिट्युटच्या विद्यार्थ्यांनी हे चित्र पूर्ण करण्यास त्यांना मदत केली. तसेच वाळूत ‘गुड लक टीम इंडिया’ या शब्दांतील शुभेच्छा इंग्रजी भाषेतील चेंडूंनी लिहिली आहे. विविध रंगांच्या सजावटीद्वारे ही खास कलाकृती सादर करण्यात आल्याचे तुम्हाला दिसून येईल.
सुदर्शन पटनायक हे प्रसिद्ध वाळू कलाकार आहेत. कला क्षेत्रातील त्यांच्या अतुलनीय योगदानाबद्दल त्यांना २०१४ मध्ये भारत सरकारने ‘पद्मश्री’ पुरस्काराने सन्मानित केले होते. सुदर्शन पटनायक मूळचे ओडिशा राज्यातील आहेत. ते वाळूपासून अनेक कलाकृती बनवीत अनेकांची मने जिंकत असतात. आज त्यांनी विश्वचषकाच्या अंतिम सामान्यनिमित्त भारतीय संघाला शुभेच्छा देण्यासाठी ही खास कला वाळूत सादर केली आहे. सोशल मीडियावर ही पोस्ट @sudarsansand या त्यांच्या अधिकृत एक्स (ट्विटर) अकाउंटवरून शेअर करण्यात आली आहे.
