आरारारा खतरनाक! ऊस असावा तर असा; ३७ कांड्यांवरती गेला शेतकऱ्याचा ऊस; VIDEO पाहून डोळ्यांवर विश्वास बसणार नाही

ऊस उगवण, फुटवे, कांडी सुटणे, जोमदार वाढ या ऊस वाढीच्या महत्त्वाच्या अवस्था आहेत.पाण्याचा अतिवापर, पूर्व मशागतीकडे दुर्लक्ष यामुळे जमिनीची सुपिकता घटते. कमी पाण्यात उसाचे चांगले उत्पादन शक्य आहे. उसाला पाणी व खते ठिबकद्वारे द्यावीत. पिकाच्या गरजेप्रमाणे अन्नद्रव्ये दिल्यास उसाची जोमाने वाढ होते. ऊस उत्पादक शेतकऱ्यांनी अशाप्रकारे योग्य नियोजन केल्यास ऊसाचं पिक चांगलं येऊ शकतं.पाण्याचा अतिवापर, पूर्व मशागतीकडे दुर्लक्ष यामुळे जमिनीची सुपिकता घटते.खताशिवाय उत्पादन वाढीसाठी जमिनीचा पोत, हवामान, मशागत, जमिनीचा ईसी, पीएच, सेंद्रिय कर्ब व जमिनीत अगोदर शिल्लक असलेल्या खताकडे दुर्लक्ष करतो, त्यामुळे उत्पन्न कमी होतं. अशाच प्रकारे माती परीक्षणाविना शेतकरी खतेदेत राहिला तर जमिनीतील शिल्लक खतांचा व वरून देत असलेल्या खतांचा मेळ न जमल्यामुळे जमिनीचा पोत दिवसेंदिवस खराब होत जाणार आहे. आणि मग रासायनिक खतांमुळे जमिनी खराब होत आहेत.

या व्हिडीओमध्ये तुम्ही पाहू शकता, हा शेतकरी आपल्या शेतातून एक मोठी ऊसाचा कांडी घेऊन येतो आणि त्याच्या कांड्या मोजतो. तर चक्क ३७ कांड्याएवढा हा ऊस उंच वाढलेला तुम्ही पाहू शकता. यावेळी शेतकऱ्याच्या चेहऱ्यावरचा आनंदच सगळं काही सांगून जात आहे. दरम्यान यामागे या शेतकऱ्याची प्रचंड मेहनत, नियोजन आहे हे विसरून चालणार नाही.

पाहा व्हिडीओ

हेही वाचा >> जबाबदाऱ्यांच्या ओझ्याखाली चिरडलेलं निरागस बालपण; स्वत:च्या परिस्थितीवर नाराज असणाऱ्या प्रत्येकानं पाहावा असा VIDEO

दरम्यान गेल्या काही वर्षांपासून उसाचा उत्पादन खर्च वाढला आहे. रासायनिक खतांच्या वाढलेल्या किंमती, शेती मशागतीचे वाढलेले दर, वाढलेली मजुरी, पाणीपट्टी आदींमुळे उसाचा एकरी खर्च एक लाखाच्या घरात पोहोचला आहे. त्यातच सततच्या अवकाळी पावसामुळे एकरी उत्पादन घटले आहे.