Supermoon : आज चंद्र येणार पृथ्वीच्या अधिक जवळ

आजचा दिवस काही खास आहे. खास यासाठी कारण आज चंद्र पृथ्वीच्या अधिकच जवळ येणार आहे आणि असे सुंदर दृश्य पाहण्याची संधी जर तुम्ही चुकवली तर मात्र तुम्हाला २०३४ पर्यंत वाट पाहावी लागणार आहे. आज कार्तिक पौर्णिमा आहे आणि यादिवशी चंद्राची १४ पट आकाराची मोठी प्रतिमा पाहण्याचा दुर्मिळ योग आपल्याला लाभणार आहे. त्यामुळे आज अगदी मोठा ‘सूपरमून’ सगळ्यांना पाहायला मिळणार आहे. आजच्या दिवशी चंद्र  पृथ्वीच्या अधिक जवळ येणार आहे. साधरण चंद्र हा पृथ्वीपासून ३ लाख ८४ हजार ४०० किलोमीटर दूर आहे पण आजच्या दिवशी हे अंतर २८ हजार किलोमीटरने  कमी होणार आहे. जवळपास ६८ वर्षांनंतर चंद्र पृथ्वीच्या जवळ येत आहे. १९४८ मध्ये असे दुर्मिळ दृश्य दिसले होते.