Viral Photo : सोशल मीडियावर अनेक पाट्या व त्यावर लिहिलेले संदेश व्हायरल होत असतात. काही संदेश पाहून हसायला येते तर काही संदेश विचार करायला भाग पाडतात. सध्या असाच एका पाटीचा फोटो व्हायरल होत आहे. या पाटीवर खूप सुंदर संदेश लिहिला आहे. हा संदेश वाचून तुम्हीही भावुक व्हाल. (Viral Suvichar Pati Photo Highlights Life Lessons : Only Situations Reveal True Friends)
पाटीवर काय लिहिलेय? जाणून घ्या
तुम्ही शाळा, दुकाने, कार्यालयात अनेकदा सुविचार पाटी पाहिली असेल. या सुविचार पाटीवर दरदिवशी अनेक सुंदर सुविचार लिहिले जातात. कधी हे सुविचार आपल्याला प्रेरणा देतात तर कधी विचार करायला भाग पाडतात. या व्हायरल फोटोमध्ये तुम्हाला एक पाटी दिसेल. ही पाटी अजब कॉर्नर येथील असून या पाटीवर विचारधन असे लिहिले आहे आणि त्याखाली सुंदर संदेश लिहिला आहे. संदेश खालील प्रमाणे – “शाळा सारं काही शिकवते. लघुकोन, काटकोन, त्रिकोन, चौकोन पण आपलं कोण हे मात्र परिस्थितीच शिकवते.” या पाटीवरील हा संदेश वाचून काही लोक भावूक होतील तर काही लोकांना त्यांच्या आयुष्यातील कठीण प्रसंग किंवा काळ आठवेन. सध्या हा फोटो चांगलाच व्हायरल होत आहे.
पाहा व्हायरल व्हिडीओ (Viral Photo )
bhaavki____007 या इन्स्टाग्राम अकाउंटवरून हा फोटो शेअर करण्यात आला असून या फोटोवर अनेक युजर्सनी प्रतिक्रिया दिल्या आहेत. एका युजरने लिहिलेय, “यालाच आयुष्य म्हणतात.” तर एका युजरने लिहिलेय, “आपलं कोण हे फक्त परिस्थिती शिकवू शकते.” आणखी एका युजरने लिहिलेय, “सांगली माळी टॉकीज जवळ आहे ही पाटी. मी रोज बघत असतो नवीन काहीतरी असते.” एक युजर लिहितो, “शाळा जे शिकवते ते पूर्णपणे शिकून तुम्ही परिस्थितीला बदलू शकता .”
काही दिवसांपूर्वी असाच एक पुणेरी पाटीचा फोटो व्हायरल झाला होता. या पाटीवर दारावरची बेल वाजवणाऱ्यांसाठी विशेष सुचना दिली होती. ही सुचना वाचून कोणीही पुन्हा दारावरची बेल वाजवणार नाही. त्या पाटीवर लिहिले होते “बेलसाठी लागणाऱ्या विजेचे पैसे आम्ही भरतो..एकदाच वाजवा” कमीत कमी शब्दांत समोरच्याचा अपमान करण्याची कला पुणेकरांकडे आहे. पुणेरी पाटी हे याचे उत्तम उदाहरण म्हणता येईल.
