सीताचे अपहरण केल्यामुळे रावणाला विलन म्हणून ओळखले जाते. दसऱ्याला रावणाचा पुतळा जाळून विजयोत्सव साजरा केला जातो. पण भारतामध्ये रावणाची अनेक ठिकाणी मंदिरे आहेत. भक्तीभावने तिथे रावणाची पूजा केली जाते. मध्य प्रदेशतील इंदूरमध्ये वैभव नगरात रावणाचे मंदिर आहे. या मंदिरात प्रवेश करण्यासाठी राम नाम जप अनिवार्य आहे. येथील मंदिरामध्ये रामासोबत रावणाचीही पूजा केली जाते. रावणासोबतच मेघनाथ आणि कुंभकर्ण या राक्षसाच्या प्रतिमाही येथे आहेत.
रावण कान्यकुब्ज ब्राम्हण असल्याचे मानले जाते. येथील गावकरी आपण रावणाचे वंशज असल्याचे मानतात. यामुळे ते त्याची पूजा करतात. या मंदिरामध्ये देवी-देवतांच्या तसेच रामायण काळातील मूर्तीही आहेत. याबरोबरच रावणाची मूर्ती आहे. मंदिरात येणारे लोक रावणाचीही पूजा करतात. राम आणि रावणाची एकत्रीत पूजा केली जाते. रावणाच्या मंदिरात प्रवेश करण्यासाठी १०८ वेळा रामाचे नाव लिहावे लागते. मंदिराचे संस्थापक, संचालक आणि सेवक यांच्या म्हणण्याप्रमाणे, राम सोबत जोडले गेलेले प्रत्येक पात्र पवित्र आणि पूजनीय आहे. त्यामुळे इथे भगवान रामासोबत रावणाचीही पूजा केली जाते.
या मंदिरात प्रवेश मिळवण्यासाठी तुम्हाला १०८ वेळा राम लिहावे लागेल. तसे मंदिराच्या प्रवेश द्वारामध्ये नियमात लिहले आहे. प्रवेशद्वारावर मोठ्या अक्षरात नियम लिहला गेला आहे. नेता, अभिनेता किंवा सामान्य व्यक्ती या नियमापाला डावलू शकत नाही. लाल पेनचा वापर करून १० वेळा राम लिहायचे आहे. या मंदिराचे पुजारी स्वत हनुमानाच्या प्रतिमासमोर बसून रामचरित्र म्हणतात.
