‘या’ कारणासाठी समारोपाच्या भाषणात ओबामांची धाकटी कन्या उपस्थित नव्हती

वाचा : दोन हजाराची साडी १६० रुपयांना

‘अत्यंत कठीण काळातही तुम्ही हुशार, सुंदर मुली म्हणून तयार झाल्या. पण त्यापेक्षा महत्त्वाचे म्हणजे तुम्ही विचार करणा-या तरुण मुली आहात. प्रसिद्धीच्या झोतात राहण्याचा दबाव तुमच्यावर होता. पण तुम्ही कधीच याचा दुरूपयोग केला नाही.’ एक पिता म्हणून मला तुमचा अभिमान असल्याचे त्यांनी सांगितले. त्यांचे हे कौतुकाचे बोल ऐकून तिथे उपस्थित असलेली त्यांची मुलगी मालिया भाऊक झाली. पत्नी मिशेल आणि साशाचे आभार मानत ओबामांना अश्रू आवरता आले नाही. वडिलांच्या डोळ्यातील आपल्याप्रती असलेला अभिमान, कौतुक आणि अश्रू बघून मलियालाही रडू कोसळले. त्यामुळे कॅमेराच्या नजरा ओबामांच्या पत्नी आणि मुलीकडे वळल्या. पण यात त्यांची छोटी मुलगी साशा मात्र कुठेच दिसत नव्हती. आठ वर्षांपूर्वी जेव्हा ओबामा निवडून आले तेव्हा मिशेल यांनी आपल्या दोन्ही मुलींचा हात पकडून त्यांना जगासमोर आणले होते. आता वडिलांच्या आयुष्यातील एवढा महत्त्वाचा क्षण आणि छोटी मुलगी मात्र अनुपस्थितीत त्यामुळे सगळ्यांच्याच चेह-यावर प्रश्नचिन्ह होते.

वाचा : …म्हणून ‘जिया’चे सारे चिनी दिवाने

पण नंतर मात्र साशाच्या अनुपस्थितीचे कारण कळल्यावर खरच ओबामांच्या मुली कौतुकास पात्र आहेत यावर त्यांच्या विश्वास बसला. साशाची वॉशिंगटन डी सीमध्ये बुधवारी सकाळी परिक्षा होती.  परिक्षेमुळे ती समारोपाच्या सोहळ्याला उपस्थित राहू शकली नाही. खरतर आपल्याकडे असं काही असते तर राजकीय दबाव किंवा ओळख वापरुन नक्कीच परिक्षेचा जुगाड केला असता. ही तर महासत्तेच्या राष्ट्राध्यक्षांची मुलगी ठरली तीला अशक्य असे काहीच नव्हते. पण तरीही असा कोणताही मार्ग न अवलंबता साशाने आपल्या शिक्षणाला प्राधान्य देण्याचे ठरवले त्यामुळे नक्कीच आपल्या मुली कौतुकास पात्र आहेत हे ओबामा ठामपणे सांगू शकले.