सध्या लग्नसराईचा हंगाम जोरात सुरू आहे, त्यामुळे लग्न समारंभातील हजारो नवनवीन व्हिडिओ सोशल मीडियावर व्हायरल होत असतात. हे व्हिडिओ प्रामुख्याने डान्स, लग्नातील विधी आणि वरातीशी संबंधित असतात, जे पाहून नेटकऱ्यांचे मनोरंजन होत असतं. सध्या सोशल मीडियावर असाच एक अनोखा आणि मनोरंजक व्हिडिओ व्हायरल होत आहे, ज्यामध्ये सासरच्या मंडळींनी आपल्या जावयाचा चेहरा काळा केल्याचं पाहायला मिळत आहे.
व्हायरल व्हिडिओ पाहून नेटकऱ्यांना आपलं हसू आवरणं कठिण झालं आहे. शिवाय हा व्हिडिओ पाहिल्यानंतर तुम्हालाही हसू येईल यात शंका नाही. या व्हिडिओमध्ये सासरचे लोक लग्न समारंभादरम्यान नवऱ्या मुलासोबत काही विचित्र विधी करताना दिसत आहेत. व्हिडिओमध्ये दिसत आहे की नवरा शांतपणे बसला आहे आणि एक महिला त्याचा चेहऱ्याला काळा रंग लावत आहे. एवढेच नाही तर त्याच्यासोबत आलेल्या इतर मुलांच्या चेहऱ्यावरही काळा रंग लावल्याचं दिसत आहे.
हेही वाचा- ‘या’ देशात फिरायला गेलात तर स्थानिक सरकारच तुमच्या राहण्यासह खाण्यापिण्याचा खर्च करणार…
नवरदेवाचं तोंड काळ केल्याचा व्हिडिओ व्हायरल –
सोशल मीडियावर व्हायरल होत असलेला व्हिडिओ satyamtripathi7072 नावाच्या इंस्टाग्राम अकाऊंटवरुव शेअर करण्यात आला आहे. व्हिडिओ शेअर करताना त्याच्या कॅप्शनमध्ये लिहिलं आहे की, “थैलीदरम्यान नवरदेवाचे खराब हाल” तर या व्हिडीओमध्ये सासरचे लोक नवऱ्या मुलाची चेष्टा करताना दिसत आहेत. पण नवरा मात्र कसलाही विरोघ न करता हसत असल्याचं दिसत आहे.
हा व्हिडीओ ज्या ठिकाणचा आहे तिथे लग्न समारंभादरम्यान तोंडाळा काळा रंग लावण्याचा एक विधी असल्याची माहिती समोर येत आहे. त्यामुळे नवरदेव सर्वकाही शांतपणे सहन करत आहे. दरम्यान, या व्हिडीओवर नेटकरी वेगवेगळ्या प्रतिक्रिया देत आहेत, एका नेटकऱ्याने लिहिलं आहे की, ही एक चुकीची पद्धत असून ती बंद करायला हवी, तर आणखी एकाने हा विधी देशातून बाहेर जायला नको असंही म्हटलं आहे. त्यामुळे कोणी यावर मजेदार तर कोणी संतापजनक प्रतिक्रिया देत आहे.
