Video Viral : सोशल मीडियावर समुद्रकिनाऱ्यावरील अनेक धक्कादायक घटनांचे व्हिडीओ व्हायरल होत असतात. काही घटना इतक्या भयानक असतात की पाहून अंगावर काटा येतो.
सध्या असाच एक व्हिडीओ समोर आला आहे. या व्हिडीओमध्ये एक चिमुकला समुद्राच्या लाटामध्ये वाहून जाताना दिसत आहे. वाहून जाणाऱ्या या चिमुकल्या पाहून काही लोक धावत येतात पण लाटांच्या भीतीने पुन्हा मागे जातात. पुढे या चिमुकल्याबरोबर जे काही घडते ते पाहून तुम्हालाही घाम फुटेल. सध्या हा व्हिडीओ सोशल मीडियावर चांगलाच व्हायरल होत आहे. (Viral Video: people came running to save him of Child Swept Away by Waves of the sea)
या व्हायरल व्हिडीओमध्ये तुम्हाला सुरुवातीला एक चिमुकला समुद्राच्या लाटेत वाहताना दिसेल. त्याला वाहताना पाहून काही लोक धावून जातात पण लाटेचा वेग जास्त असल्याने पुन्हा मागे जातात. पण तरीसुद्धा एक व्यक्ती धावत त्या चिमुकल्याकडे जाते आणि त्याला पकडते पण एक मोठी लाट येते आणि त्यांचा तोल जातो. चिमुकल्यासह वाहत जाणाऱ्या या व्यक्तीला वाचवण्यासाठी आणखी दोघे जण धावतात व त्यांचा प्राण वाचवतात. हा व्हिडीओ पाहताना तुमच्याही अंगावर काटा येईल. सध्या हा व्हिडीओ चांगलाच व्हायरल होत आहे.
पाहा व्हायरल व्हिडीओ
https://www.instagram.com/reel/DAxJAvmyCF2/?igsh=MXF3bmV0bnI5M3dpaw%3D%3D
mohit_rajasthan_churu या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “बापरे व्हिडीओ पाहून अंगावर काटा आला.” तर एका युजरने लिहिलेय, “या भावाचे खूप धन्यवाद. या चिमुल्याचे प्राण वाचविले.” आणखी एका युजरने लिहिलेय, “प्लीज समुद्रकिनाऱ्यावर जाताना लहान मुलांची काळजी घ्या.”
यापूर्वीही समुद्रकिनाऱ्यावरील असे अनेक धक्कादायक घटनांचे व्हिडीओ व्हायरल झाले आहेत. काही महिन्यांपूर्वी असाच एक व्हिडिओ व्हायरल झाला होता. त्या व्हायरल व्हिडीओमध्ये समुद्राच्या किनाऱ्यावर लाटा उसळताना दिसत होत्या आणि एक तरुण समुद्राच्या किनाऱ्यावर मोठ्या खडकावर उभा होता. अचानक एक मोठी लाट आली आणि त्या खडकावर आदळली आणि क्षणात समुद्राच्या किनाऱ्यावर उभा असलेला हा तरुण या मोठ्या लाटेत वाहून गेला होता. तो व्हिडीओ पाहून अनेकांना धक्का बसला होता. हा व्हिडीओ सोशल मीडियावर त्यावेळी चांगलाच चर्चेत आला होता.
