‘या’ एका उशीची किंमत आहे लाखोंच्या घरात; काय आहे या उशीचं नेमकं वैशिष्ट्य, जाणून घ्या

वेबसाईटनुसार, मिस्टर हिलस्टला ही खास उशी तयार करण्यासाठी पंधरा वर्षे लागली. यात २४ कॅरेट सोने, हिरे आणि नीलम जडलेले आहे. याशिवाय, उशीमध्ये भरण्यासाठी वापरलेला कापूस रोबोटिक मिलिंग मशीनमधून येतो. ही उशी चमकदार फॅब्रिकने बनलेली असून तिला २४ कॅरेट सोन्याचे कव्हर देण्यात आले आहे. अहवालानुसार, हे कव्हर सर्व प्रकारचे इलेक्ट्रोमॅग्नेटिक रेडिएशन अवरोधित करते आणि निरोगी आणि सुरक्षित झोप देण्यास मदत करते.

या उशीमध्ये २२.५ कॅरेट नीलम आणि चार हिरे आहेत, ज्यामुळे त्याची किंमत इतकी वाढली आहे. ही महागडी उशी हायटेक सोल्युशन आणि जुन्या काळातील कारागिरी यांचा मिलाफ असल्याची माहिती वेबसाइटवर देण्यात आली आहे.

६२५ कोटींचा मालक असलेला ‘Captain America’ वापरत होता ‘हा’ जुना फोन, कारण…

टेलरमेड पिलो ही आतापर्यंतची सर्वात नाविन्यपूर्ण उशी आहे. या उशा ब्रँडेड बॉक्समध्ये पॅक केल्या जातात. मिस्टर हिल्स्टचा दावा आहे की उशी निद्रानाश असलेल्या लोकांना शांतपणे झोपण्यास मदत करेल. वेबसाइट सांगते की उशी प्रत्येक ग्राहकासाठी कस्टम-मेड आहे.

३डी स्कॅनर वापरून एखाद्या व्यक्तीचे खांदे, डोके आणि मान यांचे अचूक परिमाण काळजीपूर्वक मोजले जातात. यानंतर ते डच मेमरी फोमने भरलेले जाते, जे हाय-टेक रोबोटिक मशीन मिल्स वापरून एखाद्या व्यक्तीच्या डोक्याच्या आकाराशी जुळवून घेते. उशा बनवण्यापूर्वी, ग्राहकाच्या शरीराच्या वरच्या भागाचे मोजमाप आणि झोपण्याची स्थिती देखील लक्षात घेतली जाते. कंपनी म्हणाली, ‘तुम्ही लहान आहात की मोठे, पुरुष असोत की महिला याने काही फरक पडत नाही. तुमची टेलरमेड उशी तुम्हाला शक्य तितक्या चांगल्या प्रकारे आधार देते.