Viral Video : सोशल मीडियावर लहान मुलांपासून वृद्ध लोकांचे असे अनेक व्हिडीओ व्हायरल होत असतात. कधी हे व्हिडीओ पाहून पोट धरुन हसायला येते तर काही व्हिडीओ पाहून थक्क करणारे असतात. शाळेतील विद्यार्थी शिक्षकांचे सुद्धा अनेक भन्नाट व्हिडीओ व्हायरल होत असतात. सध्या असाच एक व्हिडीओ व्हायरल होत आहे. या व्हिडीओमध्ये एक चिमुकला भर वर्गात झोपलेला दिसत आहे. तास चालु असताना हा विद्यार्थी झोपलेला असतो पण तितक्यात शिक्षक त्याला पकडतात तेव्हा तो अनोखी शक्कल लढवून स्वत:ला वाचवतो. हा व्हिडीओ पाहून तुम्हालाही तुमच्या शाळेच्या दिवसांची आठवण येईल.
शाळा हा प्रत्येकाच्या जिव्हाळ्याचा विषय आहे. शाळेच्या अनेक आठवणी आजही मनात घर करुन असतात. शाळेतील मित्र, शिक्षक आणि त्यांच्या आठवणी कायम आपल्या बरोबर असतात.सोशल मीडियावर व्हायरल होणारे शाळेतील व्हिडीओ पाहून अनेकदा आपल्याला आपल्या शाळेची आठवण येते. असाच हा एक शाळेतील व्हायरल व्हिडीओ पाहून तुम्हीही पोट धरुन हसाल.
हा व्हायरल व्हिडीओ एका वर्गातील आहे. भर वर्गात तास सुरू असताना एक विद्यार्थी बाकेवर झोपलेला दिसत आहे. जेव्हा शिक्षक त्याच्याजवळ जातात आणि त्याला उठवण्याचा प्रयत्न करतात तेव्हा तो अनोखी शक्कल लढवतो आणि स्वत:ला वाचवतो. शिक्षकांनी आपल्याला झोपताना पकडले आहे आणि आता ते आपल्याला शिक्षा करतील या भीतीने हा विद्यार्थी अनोखा जुगाड वापरतो.
शिक्षक त्याला उठवतात तेव्हा तो शिक्षकांना हात दाखवत थांबवतो आणि प्रार्थना करत असल्याची नक्कल करतो. त्यानंतर हात जोडून डोळे उघडतो. त्याचा हा व्हिडीओ पाहून तुम्हीही पोट धरुन हसाल. काही लोकांना वर्ग सुरू असताना झोपणाऱ्या त्यांच्या शाळेतील मित्र मैत्रीणींची आठवण येईल.
हेही वाचा : दोघी भिडल्या! तरुणींनी एकमेकींच्या झिंज्या उपटल्या; तुफान हाणामारीचा VIDEO होतोय व्हायरल
Diganta Hazarika या एक्स अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “तुम्ही काहीही करा फरक पडत नाही फक्त तुमच्यात आत्मविश्वास असायला पाहिजे” हा व्हिडीओ चांगलाच व्हायरल झाला असून ३८ हजार लोकांनी हा व्हिडीओ पाहिला आहे.
