Viral Video : लग्न हा आयुष्यातील एक महत्त्वाचा टप्पा आहे. लग्नानंतर माणसाचं आयुष्य बदलतं. दोन व्यक्ती एकत्र येऊन नवीन आयुष्याची सुरुवात करतात. एकमेकांना समजून घेतात आणि संपूर्ण आयुष्यभर एकमेकांना साथ देण्याचे वचन देतात.
लग्न करताना आपल्याला एक चांगला जोडीदार मिळावा, अशी अपेक्षा सर्वांना असते. अनेक जण भावी जोडीदारामध्ये अनेक गोष्टी शोधतात. कुणाला समजून घेणारा जोडीदार हवा असतो, तर कुणाला चांगला कमावणारा जोडीदार हवा असतो. कुणाला दिसायला सुंदर जोडीदार हवा असतो तर कुणाला प्रामाणिक कष्ट करणारा जोडीदार हवा असतो. काही पुरुष मंडळी सुंदर बायकोच्या शोधात असतात. (The young man holding paati wrote funny message)
सध्या असाच एक व्हिडीओ व्हायरल होत आहे. या व्हिडीओमध्ये एक तरुण हातात पाटी घेऊन रस्त्यावर उभा आहे. आणि त्या पाटीवर मजेशीर संदेश लिहिला आहे. हा तरुण सुंदर बायको कुणाला भेटते, याविषयी सांगताना दिसत आहे. सध्या हा व्हिडीओ चांगलाच व्हायरल होताना दिसत आहे.
हेही वाचा : VIDEO: एक चूक जीवावर बेतली! गाडीला आग लागताच लोक विझवायला गेले; पण पुढच्या क्षणी जे झालं ते पाहून उडेल थरकाप
तरुणाची पाटी चर्चेत
या व्हायरल व्हिडीओमध्ये तुम्हाला एक तरुण दिसेल. तो हातात पाटी घेऊन रस्त्यावर उभा आहे. या तरुणाने पाटीवर लिहिलेय, “सुंदर बायको भेटायला नशीब नाही, सरकारी नोकरी लागते भावा..” तरुणाच्या पाटीवरील हा संदेश वाचून रस्त्यावरून येणारे जाणारे लोक जोरजोराने हसताना दिसत आहे. तरुण मुले मुली सुद्धा पाटीवरील संदेश वाचून हसताना दिसत आहे. काही जण यावर सहमती दर्शवत आहे.
पाहा व्हायरल व्हिडीओ (Viral Video)
swapya__001 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “सुंदर बायको भेटायला नशीब नाही, सरकारी नोकरी लागते भावा..” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “भावा तू तर नादच केला …” तर एका युजरने लिहिलेय, “एकच नंबर भावा पटलं आपल्याला आणि हे खरंच आहे” आणखी एका युजरने लिहिलेय, “लाखो लोकांच्या मनातल बोलला भावा तू” या व्हिडीओवर अनेक युजर्सनी हसण्याचे इमोजी शेअर केले आहेत.
