पावसाला सुरू झाली की, डासांचा हैदोस सुरू होतो. या दिवसात डासांना वाढण्यासाठी मोठी संधी असते. त्यामुळे याच दरम्यान डेंग्यू आणि मलेरियाचा प्रकोपही वाढतो. डासांना पळवण्यासाठी लोक वेगवेगळे उपाय करतात. पण त्याने काही फारसा फरक दिसत नाही. सहसा आपण मच्छर दिसला की त्याला मारतो. कधी पायावर कधी हातावर कधी गालावर. मग स्वत:च्या असो की दुसऱ्याच्या एक चापट लगवतोच. दरम्यान एका तरुणाने वैतागून रागाच्या भरात मच्छर मारण्याच्या नादात स्वत:च्या पायांवर हातोडा मारला.
या व्हिडीओमध्ये तुम्ही पाहू शकता, मच्छर पायावर बसताच त्यानं रागाच्या भरात पायावर हातोडा मारला. परिणामी मच्छर तर मेलाच पण सोबतच तरुणाची बोटं मात्र फ्रॅक्चर झाली.तरुणाचे बोट तुटल्याने हा उपाय त्याला भलताच महागल्याचे या व्हिडीओत स्पष्ट होत आहे. कारण व्हिडीओत पायाच्या बोटाचे हाड तुटलेल्याचा एक्सरे देखील तुम्हाला दिसेल. सोशल मिडीया प्लॅटफॉर्म इंस्टाग्रामवर हा व्हिडीओ शेअर झाला आहे. हा व्हिडीओ पाहून युजर हैराण झाले आहेत. काही जण मजेशीर प्रतिक्रीयाही देत आहेत.
पाहा व्हिडीओ
हेही वाचा – चालत्या बाईकवर स्टंट मारत फोडले फटाके अन्…; काळजाचा ठोका चुकवणारा VIDEO व्हायरल
या अतरंगी तरुणाचा व्हिडीओ @qazaqsolo या इन्स्टाग्राम पेजवरून शेअर करण्यात आला आहे. आतापर्यंत हा व्हिडीओ ७४ लाखांपेक्षा अधिक नेटकऱ्यांनी पाहिला आहे. आ बैल मुझे मार, अपनी कुल्हाडी अपने ही पैर पर मारना अशा कमेंट नेटकरी व्हिडीओवर करत आहेत.
