Viral video: आपण कोणतेही काम केले तर त्याचे फळ आपल्याला मिळते. वाईट किंवा चांगले कसलेही काम केले तर त्याचे आपल्याला कधी ना कधी फळ मिळतेच असं म्हणतात. वाईट कामाचे फळही वाईटच मिळते. त्यामुळे वाईट काम करताना किंवा एखाद्याचे नुकसान करताना विचार करायला पाहिजे. सध्या एक व्हिडिओ व्हायरल झाला असून त्यामध्ये एका व्यक्तीला आपल्या कर्माचं फळ काही सेकंदातच मिळालं आहे. एक व्हिडीओ व्हायरल होत आहे ज्यावरून हे स्पष्ट दिसत आहे की वाईट कर्मांचे फळ वाईटच मिळते.
@cctvidiots या ट्विटर अकाउंटवर अनेकदा धक्कादायक व्हिडिओ पोस्ट केले जातात. अलीकडेच या अकाउंटवर एक व्हिडिओ पोस्ट करण्यात आला आहे ज्यामध्ये एक माणूस पुलावरून खाली उडी मारताना दिसत आहे . पण तुम्हाला असा प्रश्न पडला असेल की तो असे का करतोय? दरम्यान व्हिडिओच्या कॅप्शनमध्ये असा दावा करण्यात आला आहे की या व्यक्तीने उबेर कॅब ड्रायव्हरला लुटले आणि नंतर चाकूच्या धाक दाखवून पळून जाऊ लागला. यावेळी त्यानं बचावासाठी पुलावरून खाली उडी मारली मात्र तो अपघाताला बळी पडला. हा दावा कितपत खरा आहे माहीत नाही, पण त्या व्यक्तीची काय अवस्था झाली आहे हे पाहून आश्चर्य वाटते.
शून्य मिनिटांत मिळाले कर्माचे फळ
व्हायरल व्हिडिओमध्ये एक व्यक्ती कारमधून उतरताना दिसत आहे. पुलावरच गाडी उभी असून आजूबाजूनं अनेक गाड्या ये-जा करताना दिसत आहेत. यावेळी हा चोर पळताना खाली पडतो आणि थेट जमिनीवर आपटतो. यावेळी त्याच्या पायाला गंभीर दुखापत होते आणि त्याचे दोन्ही पाय तुटतात. तो वेदनेने ओरडताना दिसत आहे, पण जमिनीवरून उठू शकत नाही. त्याच्या आजूबाजूला लोकही जमा झालेले व्हिडीओमध्ये पाहायला मिळत आहेत.
पाहा व्हिडीओ
हेही वाचा – Shocking Video: अति घाई संकटात नेई! हायवेवर ट्रकला ओव्हरटेक करताना कारचा भीषण अपघात
या व्हिडिओला १ कोटींहून अधिक व्ह्यूज मिळाले आहेत तर अनेकांनी कमेंट करून आपल्या प्रतिक्रिया दिल्या आहेत. काहीजण चोराला गंभीर दुखापत झाल्यामुळे काहीजण चिंता व्यक्त करत आहेत, तर काही जण अद्दल घडल्याची प्रतिक्रिया देत आहेत.
