Viral Video : सोशल मीडियावर अनेक व्हिडीओ व्हायरल होत असतात. अनेक जण व्हिडीओच्या माध्यमातून आपली कला सादर करत असतात. सध्या अशाच एका तरुणाचा व्हिडीओ चांगलाच चर्चेत आहे. या व्हिडीओमध्ये तरुणाने भर रस्त्यावर अप्रतिम डान्स केला आहे. त्याचा डान्स पाहून तु्म्हीही त्याचे चाहते व्हाल.
भारतात कला आणि कलाकारांची काहीही कमतरता नाही. अनेक जण आवडीने रस्त्यावर कला सादर करतात. रस्त्यावरचे हे कलाकार रस्त्यावर कला सादर करुन पैसे कमवतात. तुम्ही अनेकदा असे कलाकार बघितले असेल. असाच हा तरुण रस्त्यावर भन्नाट डान्स करताना दिसतोय. त्याचा डान्स कोणालाही आवडेल.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

या व्हायरल व्हिडीओमध्ये तुम्हाला दिसेल की एक तरुण खूप सुंदर डान्स करताना दिसत आहे. थंडीचे दिवस असल्यामुळे त्याने अंगावर स्वेटर घातले आहेत. तो इतका सुंदर डान्स करतोय की तुम्हाला हा व्हिडीओ पुन्हा पुन्हा बघावासा वाटू शकतो.त्याच्या डान्स स्टेप्स आणि चेहऱ्यावरील स्मित हास्य पाहून तुम्हीही थक्क व्हाल. हा व्हिडीओ नवी दिल्ली येथील एका रस्त्यावरील आहे. व्हिडीओवर या ठिकाणाचे नाव लिहिलेय.
हा व्हिडीओ पाहून नेटकऱ्यांनी कौतुकाचा वर्षाव केला आहे पण त्याच बरोबर एवढ्या उमद्या कलाकाराला बघण्यासाठी गर्दी दिसत नसल्यामुळे नाराजी सुद्धा व्यक्त केली आहे. एका युजरने लिहिलेय, “खूप सुंदर” तर एका युजरने लिहिलेय, “याला म्हणतात खरी कला” आणखी एका युजरने लिहिलेय, “हा तरुण कलाकार खूप टॅलेंटेड आहे पण त्याला सहकार्य आणि चांगल्या प्लॅटफॉर्मची गरज आहे.”

आणखी वाचा

हेही वाचा : Optical Illusion : दिसतं तसं नसतं! तुम्हाला या फोटोमध्ये काही दिसतंय का? नीट पाहा, अचंबित करणारा फोटो व्हायरल

gautam_paswan10 या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “कला”. हे अकाउंट या तरुणाचे असून या तरुणाचे नाव गौतम पासवान आहे. तो एक उत्तम डान्सर असून रस्त्यावर किंवा सार्वजानिक ठिकाणी डान्स सादर करतो. त्याच्या या अकाउंटवरुन त्याने अनेक डान्सचे व्हिडीओ शेअर केले आहेत. युजर्सनी त्याच्या प्रत्येक व्हिडीओ वर भरभरून प्रतिसाद दिला आहे.