“उगाच पुण्याच्या पाट्या जगभर प्रसिद्ध नाहीत!” नो पार्किंगमध्ये गाडी लावणाऱ्यांना पुणेरी शैलीत टोला, पाहा पुणेरी पाटी

बेशिस्त वाहनचालकानां पुणेरी शैलीत टोला

नो पार्किंगमध्ये बेशिस्तपणे वाहन लावणाऱ्यांची संख्या पुण्यात दिवसेंदिवस वाढत आहे. अनेकदा येथे वाहन लावण्यास सक्त मनाई आहे असा सुचना फलक लावलेला असतानाही लोक तिथेच गाडी लावून जातात. अशा बेशिस्त लोकांसाठी लावलेली एक पुणेरी पाटी सध्या चर्चेचा विषय ठरत आहे. या व्हायरल पाटीवर नो पार्किंगचे चिन्ह दिसत आहे आणि त्याखाली लिहिले आहे की, “रस्त्यावर वाहने लावू नयेत. हे वाचूनही बिनडोकपणे गाडी लावली तर त्या वाहनांच्या पुढील अवस्थेस आम्ही जबाबदार नसू – हुकामावरून”

हेही वाचा – ‘शिखंडी!’ पुण्यात उभारले पहिले तृतीयपंथी ढोल-ताशा पथक, तुम्ही ऐकले का त्यांचे वादन, Viral Video एकदा पाहाच

उगाच पुणेरी पाट्या जगभर प्रसिद्ध नाहीत

व्हायरल पाटी इंस्टाग्रामवर ek_puneri नावाच्या पेजवर शेअर केली आहे. व्हायरल पोस्ट शेअर करताना कॅप्शनमध्ये लिहिले आहे की,”उगाच पुण्याच्या पाट्या जगभर प्रसिद्ध नाहीत”

हेही वाचा – पुणेकरांचा नाद करायचा नाही! ‘पीएमपीएल’ बस चालकाने बेशिस्त कार चालकाला घडवली अद्दल, Video होतोय Viral

मोजक्या शब्दात अपमान करण्याच्या पुणेकरांच्या शैलीमुळे पुणेकरांच्या नादाला सहसा कोणी लागत नाही. आपल्या स्पष्टवक्तेपणा आणि उपाहास्त्मक टीकेसाठी ओळखले जाणाऱ्या पुणेकरांसह वाद घालण्याआधी लोक शंभर वेळा विचार करतात. बेशिस्त वाहनचालकांना शिस्त कशी लावायची हे पुणेकरांना चांगले माहित आहे. या बेशिस्त वाहनचालकांना पुणेरी शैलीत टोला मारणारी ही पुणेरी पाटी सोशल मीडियावर व्हायरल होत आहे.