इच्छा असेल, तर मार्ग दिसेल! भलामोठा सोफा इलेक्ट्रिक स्कूटरवरून आणला चुटकीसरशी; दोन मित्रांचा VIDEO व्हायरल

व्हायरल व्हिडीओ अमेरिकेचा आहे. दोन तरुण इलेक्ट्रिक स्कूटरवरून येतात. त्यांना रस्त्याच्या कडेला ठेवलेला एक सोफा स्वतःबरोबर घेऊन जायचा असतो. पण, एवढा मोठा सोफा घेऊन कसा जायचा, असा प्रश्न त्यांना पडतो. कारण – त्यांच्याकडे फक्त दोन इलेक्ट्रिक स्कूटर असतात. पण, दोघे तरुण एक जबरदस्त जुगाड शोधून काढतात. दोघेही त्यांच्या स्कूटरवर सोफ्याच्या दोन्ही कडा उचलून ठेवतात. पुढे नक्की काय घडलं? तरुणांनी नक्की काय जुगाड केला एकदा व्हायरल व्हिडीओतून तुम्हीसुद्धा पाहा.

हेही वाचा…मालकाने घेतला सराव, मांजरीला फसवण्यासाठी त्याने रचला डाव; VIDEO पाहून म्हणाल… ‘हुश्शार श्वान’

व्हिडीओ नक्की बघा…

व्हायरल व्हिडीओत तुम्ही पाहिलं असेल की, दोन्ही इलेक्ट्रिक स्कूटरवर सोफ्याच्या दोन्ही कडा उचलून ठेवल्या आहेत. त्यानंतर तरुण पाय ठेवण्यासाठी थोडी जागा करतात. दोघेही आपापल्या इलेक्ट्रिक स्कूटरवर उभे राहतात आणि स्कूटर चालवीत सोफा अगदी व्यवस्थित घेऊन जातात. भलामोठा सोफा दोन इलेक्ट्रिक स्कूटरवरून अगदी सहज नेला जातो आहे. कोणाचीही मदत न घेता, कुठेही तोल न जाता हा सोफा थेट इलेक्ट्रिक स्कूटरवरून घेऊन जाण्यात तरुण यशस्वी ठरले आहेत; जे पाहून कोणालाही आश्चर्य वाटेल.

सोशल मीडियावर हा व्हायरल व्हिडीओ @lyricaanderson या इन्स्टाग्राम अकाउंटवरून शेअर करण्यात आला आहे. प्रसिद्ध अमेरिकन R&B गायिका व गीतकार लिरिका अँडरसननं हे दृश्य तिच्या परिसरात पाहिलं आणि याचा व्हिडीओ मोबाईलमध्ये शूट करून घेतला आहे आणि ‘दोन्ही तरुण स्कूटरवरून सोफा घेऊन जात आहेत… छान काम मित्रांनो!’, अशी कॅप्शन देत व्हिडीओ पोस्ट केला. अनेक भारतीय नागरिकांना हा व्हिडीओ पाहून भारतीयांच्या देसी जुगाडची आठवण झाली आहे आणि ते विविध शब्दांत कमेंटमध्ये प्रतिक्रिया मांडताना दिसून येत आहेत.