Killer Of The Year: लाइटहाऊस जर्नलिझमला सोशल मीडिया प्लॅटफॉर्मवर काही पोस्ट आढळल्या ज्यात TIME मासिकाचे पहिले पान म्हणजेच कव्हर दिसत आहे. टाइम मासिकाने इस्रायलचे पंतप्रधान बेंजामिन नेतन्याहू यांचा ‘या वर्षीचा मारेकरी’ म्हणजेच किलर ऑफ द इयर, म्हणून उल्लेख केल्याचे दिसत आहे, मुखपृष्ठ आणि आतील मथळ्यात हा दावा करण्यात आल्याचे सुद्धा या पोस्टमध्ये दिसत आहे. तुम्ही बघू शकता कव्हर पेजवर सुद्धा मानवी सांगाड्यांमध्‍ये उभे असलेले नेतान्याहू यांचे फोटो दिसत आहेत.
काय होत आहे व्हायरल?
ट्विटर यूजर Chay Bowes ने व्हायरल चित्र शेअर केले.
इतर वापरकर्ते देखील समान प्रतिमा शेअर करत आहेत.
तपास:
आम्ही TIME मासिकाची वेबसाइट तपासून आमचा तपास सुरू केला. सहसा, TIME मासिक ‘पर्सन ऑफ द इयर’ म्हणून नियुक्त करते. या वर्षी TIME ने टेलर स्विफ्टला ‘पर्सन ऑफ द इयर’ म्हणून फिचर केले.
आम्हाला TIME मासिकाचे मुखपृष्ठ सापडले.
यावर तारीख यंदाचीच म्हणजेच २५ डिसेंबर २०२३ होती. त्यानंतर आम्ही फॉरेन्सिकली नावाचे टूल वापरून इमेज रन केली. त्याच्या ‘क्लोन डिटेक्शन’ द्वारे, फॉरेन्सिकली क्लोन टूल कॉपी पेस्ट पर्याय वापरून कॉपी केले गेले असावेत असे वाटणारे भाग हायलाइट करते. आणि आम्हाला फोटोवर काही हायलाइट्स आढळून आल्या.
यामुळे आम्हाला इमेज एडिटेड असल्याचा इशारा मिळाला.
फॉरेन्सिकद्वारे एरर लेवल ऍनालिसिस देखील सूचित करते की फोटो एडिट करण्यात आलेला आहे.
हे ही वाचा<< “पाकिस्तानात मला अत्याचार, जबरदस्ती..”, अंजुने सीमा हैदरला कॉलवर सांगितला भयंकर अनुभव; Video ची खरी बाजू काय?
निष्कर्ष: TIME ने इस्रायलचे पंतप्रधान बेंजामिन नेतन्याहू यांना ‘किलर ऑफ द इयर’ म्हणून नाव दिले नाही. TIME मासिकाच्या मुखपृष्ठावरील व्हायरल फोटो बनावट आहे. तर मूळ फोटो या वर्षीची टाइम पर्सन ऑफ द इयर, गायिका टेलर स्विफ्ट हीच आहे.
