Top 10 Richest People In 2025: एलॉन मस्क ठरले जगातील सर्वात श्रीमंत व्यक्ती! अंबानी, अंदानी, जिंदाल…भारतातील श्रीमंत व्यक्ती कोण?

Forbes Billionaires 2025 List: जागतिक पातळीवर आघाडीवर असलेले व्यावसायिक आणि उद्योजकांच्या संपत्तीत उल्लेखनीय वाढ झाली आहे. नावीन्यपूर्णता आणि धोरणात्मक दूरदृष्टीमुळे त्यांच्या निव्वळ संपत्तीत ही लक्षणीय वाढ झाली आहे ज्यामुळे जगाभरातील अब्जाधीशांच्या यादीत स्थान मिळवले आहे. फोर्ब्सच्या २०२५ च्या जागतिक अब्जाधीशांच्या यादीनुसार, एलोन मस्क यांनी जगातील सर्वात श्रीमंत व्यक्ती म्हणून पुन्हा अव्वल स्थान पटकावले आहे, त्यांची अंदाजे एकूण संपत्ती ३४२ अब्ज डॉलर इतकी आहे. मस्क यांनी बर्नार्ड अर्नाल्टला यांना मागे टाकले आहे, जे अब्जाधीशांच्या यादीत पाचव्या स्थानावर घसरले आहेत.

जगातील अब्जाधीशांच्या यादीत, २१६अब्ज डॉलरच्या अंदाजे निव्वळ संपत्तीसह मेटाचे मार्क झुकरबर्ग पहिल्यांदाच दुसऱ्या स्थानावर पोहोचले आहेत, त्यांनी तिसऱ्या स्थानावर असलेल्या Amazon चे जेफ बेझोस आणि चौथ्या स्थानावर असलेल्या Oracle चे लॅरी एलिसन यांना मागे टाकले आहे.

विशेष म्हणजे जगातील ३,०२८ अब्जाधीशांमध्ये आता महिलांचे प्रमाण १३.४% आहे, ज्यामध्ये ४०६ महिला अब्जाधीश आहेत, २०२४ मध्ये ही संख्या ३६९( १३.३ टक्के) होती. वॉलमार्टच्या वारसदार अ‍ॅलिस वॉल्टन या फ्रेंच लोरियलच्या वारसदार फ्रँकोइस बेटेनकोर्ट मेयर्स यांना मागे टाकत सर्वात श्रीमंत महिला ठरल्या आहेत.

२०२५ मध्ये जगातील अब्जाधीश कोणत्या देशात राहतात? In which countries do the world’s billionaires live in 2025?

उल्लेखनीय म्हणजे, अब्जाधीश नागरिकांच्या यादीत ९०२ अब्जाधीशांसह अमेरिकेचे अव्वल स्थानावर आहे, त्यानंतर चीन (हाँगकाँगसह) ५१६ अब्जाधीशांसह दुसऱ्या स्थानावर आहे, तर भारत २०५ अब्जाधीशांसह तिसऱ्या स्थानावर आहे.

Top 10 Richest People in the World (2025): नवीनक्रमवारी आणि एकूण संपत्ती (Latest Rankings & Net Worth)

यावर्षी जगभरातील ३,०२८ जणांनी फोर्ब्सच्या वार्षिक जगातील अब्जाधीशांच्या यादीत स्थान मिळवले आहे, जे २०२५ साठी एकूण संपत्तीचे विक्रमी मूल्य $१६.१ ट्रिलियन इतके आहे. ७ मार्च २०२५ पासूनच्या शेअरच्या किंमती आणि विनिमय दरांचा वापर करून, या वर्षातील जगातील सर्वात श्रीमंत लोकांची यादी खाली दिली आहे.

स्रोत: फोर्ब्सची जागतिक अब्जाधीशांची यादी २०२५

फोर्ब्सच्या २०२५ च्या अब्जाधीशांच्या यादीत भारतातील सर्वात श्रीमंत व्यक्ती कोणत्या क्रमांकावर आहेत?(Where do India’s wealthiest rank on Forbes’ Billionaires List 2025?)

भारतातील सर्वात श्रीमंत व्यक्ती – रिलायन्स इंडस्ट्रीजचे अध्यक्ष मुकेश अंबानी यांचे यादीतील स्थान घसरले आहे आणि ते आता जागतिक स्तरावर १८ व्या स्थानावर आहेत, त्यांची एकूण संपत्ती $९२.५ अब्ज आहे.

त्यानंतर अदानी समूहाचे अध्यक्ष गौतम अदानी आहेत, जे $५६.३ अब्जच्या अंदाजे एकूण संपत्तीसह जगभरात २८ व्या स्थानावर आहेत.

शिवाय, भारतातील सर्वात श्रीमंत महिला आणि जागतिक स्तरावर सहाव्या क्रमांकाची श्रीमंत महिला, ओपी जिंदाल ग्रुपच्या अध्यक्षा सावित्री जिंदाल आणि कुटुंब, जागतिक यादीत ५६ व्या क्रमांकावर आहेत, त्यांची अंदाजे निव्वळ संपत्ती $३५.५ अब्ज आहे.