ट्रॅफिक पोलिसांच्या तावडीतून सुटण्यासाठी तुम्ही ‘असा’ अतरंगी जुगाड कधी केलात का? व्हायरल व्हिडीओ पाहून पोट धरुन हसाल

आपल्या देशात जुगाडू लोकांची कमी नाही. काही लोकांचं डोकं हे फारच वेगानं चालतं. ही मंडळी असे काही जुगाड शोधून काढतात की, जे पाहून खरंच थक्क व्हायला होतं. असाच एक व्हिडीओ सध्या व्हायरल होत आहे ज्यामध्ये एका व्यक्तीने अनोखी शक्कल लढविलेली दिसत आहे. अनेकदा विना हेल्मेट बाईक चालवणाऱ्यांना ट्रफिक पोलिस पकडतात. अशा नियम मोडणाऱ्यांना कधी फाईन घेऊन सोडतात, तर कधी फक्त समज देऊन सोडतात. अनेकदा यामुळे वादही झाल्याचे तुम्ही ऐकले असेल. पण, एका तरुणाने चक्क ट्रॅफिक पोलिसांकडून वाचण्यासाठी कोणती युक्ती लढविली पाहा जरा…

(हे ही वाचा : तुफान राडा! भररत्यात चार तरुणींची दे दणादण हाणामारी पाहून WWE विसरुन जाल, Video व्हायरल)

नेमकं काय घडलं?

सोशल मीडियावर व्हायरल होत असलेला हा व्हिडिओ एका रायडरने बनवला आहे. या व्यक्तीच्या व्हिडिओमध्ये एक व्यक्ती त्याच्या स्कूटरला धक्का देत असल्याचे दिसत आहे. स्वार त्याला पाहतो आणि बाईकचा वेग कमी करतो आणि त्याला विचारतो काय झाले? पण तो व्यक्ती काहीही उत्तर न देता आपल्या स्कूटरला धक्का देत पुढे जात राहते. व्हिडीओमध्ये दिसत आहे की, काही ट्रॅफिक पोलीस रस्त्यावर उभे आहेत ज्यांना तो अशा प्रकारे क्रॉस करतो. यानंतर तो लगेच स्कूटर सुरू करतो आणि निघून जातो. अशाप्रकारची युक्ती लढवून तो ट्रॅफिक पोलिसांच्या तावडीतून सुटण्यासाठी गेम खेळतो.

व्हायरल व्हिडिओ येथे पहा

चलान टाळण्यासाठी ती व्यक्ती आपल्या मेंदूचा कसा वापर करते हे तुम्ही व्हिडिओमध्ये पाहिले. पण हेल्मेटशिवाय स्कूटर किंवा बाईक चालवणे तुमच्यासाठी धोकादायक ठरू शकते. त्यामुळे आपण सर्वांनी अशा नियमांकडे दुर्लक्ष करू नये ही विनंती. तुम्ही पाहिलेला व्हिडिओ X (पूर्वीचे Twitter) वर @VishalMalvi_ नावाच्या खात्याने शेअर केला होता. वृत्त लिहेपर्यंत ४ लाख ४५ हजार लोकांनी व्हिडिओ पाहिला आहे.