अशी वेळ कुणावरच येऊ नये; लग्नाच्या आदल्या दिवशी नवरदेवाच्या मृत्यूचा थरार, नेमकं काय घडलं?VIDEO आला समोर

उत्तर प्रदेशातील हाथरस येथे लग्नाच्या एक दिवस आधी एका व्यक्तीला हृदयविकाराचा झटका आला. एका कार्यक्रमादरम्यान नाचत असताना हृदयविकाराच्या झटक्याने नवरदेवाचा मृत्यू झाला. यावेळी काही मिनटांत आनंदाचं रुपांतर दु:खात झालं असल्याचे दिसत आहे.ही दुर्दैवी घटना कॅमेऱ्यात कैद झाली असून या घटनेचा व्हिडिओ सोशल मीडियावर व्हायरल होत आहे. नवरदेवाला भर समारंभात अचानक हृदयविकाराचा झटका आल्याने तो जमिनीवर कोसळल्याचे व्हिडिओमध्ये दिसत आहे.

शिवम (२२) असे वराचे नाव असून तो कोतवाली हाथरस गेट परिसरातील भोजपूर गावचा रहिवासी होता. आग्रा येथील रहिवासी असलेल्या मोहिनीसोबत सोमवारीत्यांचे लग्न ठरले होते. प्री-वेडिंग फंक्शन्स रविवारी संध्याकाळी सुरू झाले आणि पाहुणे देखील आले. या कार्यक्रमात नवरदेव उत्साहाने नाचत होता त्यानंतर तो खुर्चीवर बसायला गेला तिथे तो अचानक कोसळला. त्याच्या कुटुंबीयांनी तातडीने जवळच्या जिल्हा रुग्णालयात धाव घेतली, तेथे रुग्णालय प्रशासनाने त्याला मृत घोषित केले. मात्र, कुटुंबीयांचा विश्वास बसत नसल्याने त्यांनी त्याला तातडीने खासगी रुग्णालयात दाखल केले. खासगी रुग्णालयातील डॉक्टरांनीही तपासणीअंती त्यांना मृत घोषित केले. मृत्यूचे कारण हृदयविकाराचा झटका असल्याचे डॉक्टरांनी पुष्टी केली.

या घटनेचा व्हिडीओ सोशल मीडियावर व्हायरल होत असून, व्हिडीओमध्ये लग्नाआधीच्या सोहळ्यात उपस्थित पाहुण्यांसोबत नवरदेव डान्स करताना दिसत आहे. तरुण खुर्चीवर बसतो आणि अचानक जमिनीवर कोसळतो.लग्नाच्या अवघ्या एक दिवस अगोदर नवरदेवाचे निधन झाल्याने लग्नातील आनंदी वातावरण शोककळा पसरले. तरुणाच्या निधनाने कुटुंबीयांवर शोककळा पसरली होती. शिवमच्या आकस्मिक निधनाच्या बातमीने नवरीलाही मोठा धक्का बसला.

पाहा व्हिडीओ

हेही वाचा >> PHOTO: “बिझनेस करायचाय पण…” रिक्षाचालकानं रिक्षामध्ये लावलं भन्नाट पोस्टर; वाचून म्हणाल इच्छाशक्ती असली की सगळं शक्य

संपूर्ण देशात हृदयविकाराच्या घटनांमध्ये वाढ होत आहे. तरुण आणि लहान मुलांनाही अचानक हृदयविकाराचा झटका येऊन मृत्यू होत आहे. मोबाईलवर गेम खेळत असताना, खेळताना, धावत असताना, नाचताना आणि अगदी निष्क्रिय बसल्यानेही अनेक मुलांना हृदयविकाराचा झटका येतो.

तरुणांना अचानक हृदयविकाराचा झटका आल्याचे अनेक व्हिडिओ सोशल मीडियावर समोर आले आहेत. व्हिडिओंमध्ये तरुणांना त्यांच्या कार्यालयात काम करताना, जिममध्ये व्यायाम करताना आणि खेळ खेळताना हृदयविकाराचा झटका येत असल्याचे दिसते.हृदयविकाराचा झटका आलेल्या रुग्णांना सीपीआर देण्यासाठी सरकारी कर्मचाऱ्यांना विशेषत: बस स्टॉप, विमानतळ आणि रेल्वे स्थानकांवर तैनात असलेल्या सुरक्षा दलांना प्रशिक्षण दिले पाहिजे. यामुळे या ठिकाणी अचानक हृदयविकाराचा झटका आलेल्या प्रवाशांचे प्राण वाचविण्यात मदत होऊ शकते.