सोशल मीडियावर व्हायरल होण्यासाठी अनेक लोक आपला जीव धोक्यात घालायला मागेपुढे पाहात नाहीत. शिवाय सध्याची तरुणाई रील बनवण्यासाठी काहीही करायला तयार असते. इतरांपेक्षा काहीतरी वेगळं रील बनविण्याच्या नादात अनेकदा ते धोकादायक आणि जिवघेणे स्टंट करत असतात. त्यासाठी ते कधी बाईकवर उभे राहतात तर कधी अनेकवेळा रेल्वे रुळावर रील करतात. मात्र, असे स्टंट करण्याच्या नादात अनेकांना जिवदेखील गमवावा लागतो.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

लोकांनी असे जिवघेणे स्टंट करु नयेत यासाठी रेल्वेने अनेकवेळा जनजागृती मोहीमही राबवते, पण तरीही लोकं रेल्वे रुळावर रील करणं थांबवत नाहीत. ज्यामुळे त्यांना मोठ्या अपघाताला सामोरं जावं लागतं. सध्या असाच व्हिडिओ व्हायरल सोशल मीडियावर व्हायरल होत आहे जो पाहिल्यानंतर अनेकांच्या अंगावर काटा आला आहे.

आणखी वाचा

हेही वाचा- HDFCचे माजी अध्यक्ष दीपक पारेख यांचे १९७८ मधील ‘ते’ ऑफर लेटर Viral; पहिला पगार पाहून थक्कच व्हाल

रील बनवण्याच्या नादात तरुण रेल्वेला धडकला –

व्हायरल होणाऱ्या व्हिडिओमध्ये, काही मुलं रील बनवण्यासाठी आपला जीव धोक्यात घालताना दिसत आहेत. व्हिडिओमध्ये तीन मुलं रेल्वे ट्रॅकवर उभे राहून आरडाओरडा करत आहेत. या तिघांपैकी एकाच्या हातात काचेची बाटली असल्याचंही दिसत आहे. त्याचवेळी यांच्यातील एक मुलगा ट्रॅकवर रेल्वेची वाट पाहताना दिसत आहे. दरम्यान, रेल्वे रुळावर ट्रेन येते, तेव्हा दोन मुलं रुळावरून खाली उतरतात आणि मोठमोठ्याने ओरडतात. तर तिसरा तरुण रेल्वे अगदी जवळ आल्यानंतर रुळावरून खाली उतरतो, शिवाय त्याला रील बनविण्याची एवढी हौस असते की तो भरधाव वेगाने जाणाऱ्या ट्रेनच्या अगदी जवळून व्हिडिओ शूट करायला जातो. याचवेळी तो जास्त मागे गेल्याने त्याच्या डोक्याला रेल्वे धडकते तो खाली कोसळतो.

पाहा व्हिडीओ –

https://twitter.com/TacticalBuddy/status/1676199819948457985?s=20

व्हायरल होत असलेल्या या व्हिडिओमध्ये, ज्या ठिकाणी ही मुलं रील बनवत होती, तिथे इतरही अनेक मुले उपस्थित असल्याचं दिसत आहेत. सोशल मीडियावर असे अनेक व्हिडिओ व्हायरल होत असतात. ज्यामध्ये रील बनवताना रेल्वेच्या धडकेने लोकांचा मृत्यू होतो. तर कधी धावत्या रेल्वेला लटकण्याचा स्टंट करण्याच्या नादात विजेच्या खांबाला धडकल्यामुळे त्यांना जीव गमवावा लागतो. त्यामुळे लोकांनी असे जीवघेणे स्टंट करु नये असं रेल्वे प्रशासन सतत आवाहन करत असते.