Railway accident video: रेल्वे अपघातांच्या बातम्या अनेकदा समोर येतात. कधी रेल्वे अपघात होतो तर कधी रेल्वेने प्रवास करताना एखाद्या व्यक्तीसोबत अपघात होतो. सोशल मीडियावरही असे अनेक व्हिडिओ आहेत, जे पाहून कोणीही घाबरून जाईल. याबाबत अनेकदा रेल्वेकडून जनजागृती मोहीमही राबवली जाते, मात्र तरीही लोक त्याबाबत गांभीर्य दाखवत नाहीत.असाच एक व्हिडिओ सध्या सोशल मीडियावर मोठ्या प्रमाणात व्हायरल होत आहे. व्हायरल होत असलेल्या या व्हिडिओमध्ये एक तरुण वेगवान ट्रेनच्या गेटवर उभा असून अचानक विजेच्या खांबाला धडकत असल्याचे दिसत आहे. हा व्हिडिओ पाहिल्यानंतर तुम्हालाही धडकी भरेल.
सोशल मीडियावर व्हायरल होत असलेल्या या व्हिडिओमध्ये अनेक प्रवासी लोकल ट्रेनच्या गेटला लटकून प्रवास करत असल्याचे दिसत आहे. या सर्व प्रवाशांपैकी बहुतांश प्रवाशांच्या पाठीवर बॅग लटकलेली दिसत आहे. ही लोकल ट्रेन भरधाव वेगात जात असताना अचानक निळा शर्ट घातलेल्या तरुण हात बाहेर काढतो आणि त्याचा हात विजेच्या खांबाला धडकतो.
यानंतर हा तरुण ट्रेनमधून खाली पडतो आणि काही अंतरावर फरफटत जातो. ट्रेनमधून खाली पडलेल्या व्यक्तीच्या पाठीवरही बॅग असते. या व्हिडिओत पुढे दिसत आहे की, या लोकल ट्रेनच्या दुसऱ्या डब्यातही लोक गेटवर उभे राहून प्रवास करत आहेत.
पाहा व्हिडीओ
हेही वाचा – दिल्लीत कॅबमध्ये WiFi पासून ते बूट पॉलिशपर्यंत सगळ्या सुविधा! पाहून लोकं म्हणतात…
रेल्वेच्या फाटकावर जीव मुठीत धरून लोक अनेकदा प्रवास करताना दिसतात. लोकल ट्रेनमध्ये असे दृश्य सर्रास पाहायला मिळत आहे. केवळ लोकल ट्रेनमध्येच नाही, तर सामान्य पॅसेंजर आणि इतर एक्स्प्रेस गाड्यांमध्येही असे प्रकार दिसून आले आहे.
