कुत्रा सतत जवळ येतो म्हणून नवऱ्याने केलं विचित्र कृत्य, बायकोने CCTV तपासले असता समोर आलं धक्कादायक वास्तव

महिलेने पुढे लिहिलं की, आमचा कुत्रा लहान आहे तो जवळपास १३ वर्षांचा आहे आणि तो आमच्यापासून पळून जाण्याचे काम करू शकत नाही. त्यामुळे मला नवऱ्यावर संशय आला. तसेच जेव्हा आम्ही परत आलो, तेव्हा माझ्या नवऱ्याला एली हरवल्याचं कसलेही दु:ख झाले नव्हते. त्यामुळे माझ्या संशय बळावला.

हेही वाचा- हवालदाराला दारु पाजून कैदी फरार, चोरी प्रकरणी केली होती अटक, न्यायालयात नेत असताना घडली धक्कादायक घटना

नवरा कुत्र्यावर होता नाराज –

महिलेने सांगितलं की, कोरोनाची साथ सुरू झाल्यापासून, माझ्या पतीने घरून काम करायला सुरुवात केली होती. यावेळी मी एलीची खूप काळजी घेते, तसेच तो त्याच्या आणि माझ्या मांडीवर बसतो हे त्याला आवडत नव्हते, त्यामुळे तो एलीवर नाराज होता.

काही दिवसांनंतर आम्हाला एली सापडल्याचा शेजारच्या राज्यातील प्राणी बचाव पथकाचा फोन आला. मी माझ्या पतीला सांगितले यावर तो फक्त ‘हे खूप छान झालं, मी खूप आनंदी आहे’, असं म्हटला, पण त्याला या गोष्टीचा काही विशेष आनंद झाला नाही. यावर मी, “एली इतक्या लांब कसा गेला असेल?” असं विचारलं असता, कोणीतरी चोरले असेल आणि नंतर त्याला लांब सोडले असेल असं नवऱ्याने उत्तर दिल्याचंही महिलेने सांगितलं.

हेही पाहा- फेमस होण्यासाठी स्वच्छतेचं नाटक! आधी कचरा गोळा केला आणि कॅमेरा बंद होताच…, इन्फ्लुएन्सरचा Video पाहताच नेटकरी संतापले

सीसीटीव्ही तपासताच महिलेला बसला धक्का –

दरम्यान, महिलेने सांगितले की, तिचा नवरा मित्रांबरोबर बाहेर गेला तेव्हा, ज्या काळात मी घरी नव्हते त्या दिवसांतील व्हिडीओ त्याच्या डॅशकॅमवरून कॉपी केले. त्यावेळी माझ्या लक्षात आले की त्याने एलीला राज्याबाहेर नेऊन सोडलं होतं. शिवाय कारच्या मागे एली धावतानाही दिसत आहे. मात्र काही अंतरावर गेल्यावर एली गायब झाली. हा व्हिडिओ पाहिल्यानंतर मला सर्व काही समजले आणि मला माझ्या नवऱ्याचा राग आला. मात्र, डॅश कॅम तपासल्याबद्दल तो माझ्यावरच रागावला, असंही महिलेने सांगितलं. ही घटना व्हायरल होताच अनेकांनी महिलेच्या नवऱ्यावर टीका केली आहे. एका नेटकऱ्याने, “कोणी प्राण्यांबद्दल इतके क्रूर कसे वागू शकते” असं लिहिलं आहे, तर दुसर्‍याने, “अशा नवऱ्याला सोडून द्या” असं म्हटलं आहे.