Viral : मतदानासाठी वापरण्यात येणा-या कृत्रिम बोटांचे सत्य उघड

ही कृत्रिम बोटे लावून कोणतीही व्यक्ती कितीही वेळा बोगस मतदान करू शकते, ही कृत्रिम बोटे निवडणुकांसाठी आणण्यात आली असल्याच्या अनेक अफवांना पेव फुटले होते. काही व्हॉट्स अॅप मेसेजमध्ये अमुक एक पक्ष ही कृत्रिम बोटे वाटत असल्याचेही मेसेज फिरत होते. पण या सगळ्याच अफवा आहेत हे आता उघड झाले आहे. हे फोटो इथले नसून जपानचे आहे. इथे राहणारी महिला डॉक्टर ही कृत्रिम बोटे बनवते. ज्यांनी अपघातात आपल्या हाताची बोटे गमावली आहेत त्यांच्यासाठी ती कृत्रिम बोटे बनवते असेही एका इंग्रजी दैनिकाने म्हटले आहे. त्यामुळे या फक्त अफवा असल्याचे स्पष्ट झाले आहे. पण दुसरीकडे मात्र अनेकांनी  हे फोटो ट्विट केले आहेत. या वस्तू सहज आयात होऊ शकतात आणि बोगस मतदान होऊ शकते अशी भिती त्यांनी व्यक्त केली आहे.