प्रेमाची कबुली देण्यासाठी किंवा एखाद्याच्या मनात जागा मिळवण्यासाठी लोक एकापेक्षा एक युक्त्या शोधून काढतात. एखाद्या व्यक्ती आपल्याला आवडते हे सांगण्यालाच flirting असे म्हणतात. कधी एकमेकांना नजरेतूनच इशारा दिला जातो, कोणी गाणे गाऊन, कोणी कविता लिहून तर कोणी महागड्या वस्तू भेट देऊन आपल्या भावना व्यक्त करते. सध्या अशाच एका मजेशीर flirtingची पोस्ट सोशल मीडियावर व्हायरल होत आहे. पुण्यातील एफसी रोडवर घडलेला हा किस्सा एका तरुणीने सांगितला आहे. एका तरुणाने तिला एक चिठ्ठी दिली ज्यात त्याने आपल्या भावना व्यक्त केल्या होत्या. या चिठ्ठीचा फोटो सोशल मीडियावर व्हायरल होत आहे. चिठ्ठीत तरुणाने लिहिलेल्या दोन ओळींनी नेटकऱ्यांचे मन जिंकले आहे.
पुण्याच्या तरुणाने हटके पद्धतीने दिली प्रेमाची कबुली
एक्सवर (ट्विटर) @gannergworl नावाच्या अकांउटवरून ही पोस्ट शेअर करण्यात आली आहे. पोस्टच्या कॅप्शनमध्ये लिहिले आहे की, “एफसी रोड तुम्हाला वेड लावू शकतो. मी रस्त्यावरून जात होते आणि एका व्यक्तीने मला एक चिठ्ठी दिली आणि म्हणाला की, ‘ही तुमची चिठ्ठी खाली पडली होती'” चिठ्ठीत काय लिहिले होते याचा फोटोही शेअर केला आहे. फोटोमध्ये लिहले होते की, “तू पेन्सिल आहेस का? लांबून पाहिल्यावर अप्सरा दिसत आहेस?” (‘तुम पेंसिल हो क्या? दूर से अप्सरा दिख रही हो…’)
हेही वाचा – कुत्र्याने मालकाला बनवले मालामाल! समुद्र किनारी सापडली कोट्यावधीची वस्तू, मच्छिमारचे बदलले नशीब
अप्सरा पेन्सिलचे नाव वापरून केले Flirting
तुम्हाला माहित असेलच की, अप्सरा हे पेन्सिल विकणाऱ्या ब्रँडचे नाव आहे. सुंदर स्त्रीयांचे कौतूक करताना त्यांना अप्सरा असे म्हणतात. तरुणाने अप्सरा पेन्सिलचे नाव वापरून तरुणाने हटके पद्धतीने त्याच्या भावना व्यक्त केल्या आहेत. दरम्यान ही पोस्ट वाचून सोशल मीडियावर व्हायरल होत आहे. नेटकऱ्यांना तरुणाच्या हिंमत्तीचे आणि प्रयत्नाचे कौतूक केले आहे.
हेही वाचा – छोटीशी ‘आगपेटी’ बनवण्यासाठी करावी एवढी मेहनत! कशी तयार होते ‘काडीपेटी’? पाहा Viral Video
नेटकऱ्यांनी दिल्या मजेशीर प्रतिक्रिया
या पोस्टवर अनेकांनी कमेंटस केल्या आहेत. एकाने लिहिले की, “मी ही युक्ती वापरणार आहे.” दुसऱ्याने लिहले की, “किती प्रेमाने लिहिले आहे….स्वीकार करून टाक.” तिसरा गंमतीत म्हणाला, “याचा आनंद घ्या, हे लॅमनिनेट करून हा क्षण आठवण म्हणून जपून ठेवा.”
