Video : सोशल मीडियावर टर्किश आइस्क्रीमचे अनेक व्हिडीओ व्हायरल होत असतात. अनेक व्हायरल व्हिडीओमध्ये टर्किश आइस्क्रीमविक्रेता ग्राहकांबरोबर खूप प्रँक करताना तुम्हीही पाहिले असेल. अनेकदा आइस्क्रीमवाला ग्राहकाला सहज आइसस्क्रीम देत नाही. ग्राहकांची खूप मजा घेतो. सध्या असाच एक व्हिडीओ सोशल मीडियावर व्हायरल होत आहे. या व्हिडीओमध्ये टर्किश आइस्क्रीमवाला गावच्या माऊलीबरोबर प्रँक करताना दिसत आहे.
या व्हायरल व्हिडीओमध्ये तुम्हाला दिसेल की, एक मुलगा आणि आई टर्किश आइस्क्रीमच्या गाडीसमोर उभे आहेत आणि आइस्क्रीमवाला गावाकडच्या या माऊलीची मजा घेताना दिसत आहे. आइस्क्रीमवाला माऊलीसमोर आइसस्क्रीम नेतो आणि जेव्हा ती माऊली आइस्क्रीम घ्यायला हात पुढे करते तेव्हा आइस्क्रीमवाला आइस्क्रीम मागे घेतो. व्हिडीओत पुढे दिसेल की, ही माऊलीसुद्धा आइस्क्रीमवाल्याचा प्रँक पाहून गोड हसताना दिसत आहे. या माऊलीचे हसू पाहून तुम्हीही थक्क व्हाल. सध्या हा व्हिडीओ तुफान चर्चेत आहे.
हेही वाचा : नव्वदीतील आजीने केला भन्नाट डान्स; “मोनिका, ओह माय डार्लिंग” गाण्यावर दाखवला जलवा
mr.sam420_shelke_ या अकाउंटवरून हा व्हिडीओ शेअर करण्यात आला असून, या व्हिडीओच्या कॅप्शनमध्ये लिहिलेय, “आईची स्माईल” हा व्हिडीओ या माऊलीच्या मुलाने शेअर केला आहे. या व्हिडीओवर अनेक युजर्सनी प्रतिक्रिया देताना म्हटलेय, “नशीबवान आहेस मित्रा; सुखी आहेस.” तर एका युजरने लिहिलेय, “खूप छान स्माईल आहे आईची.” आणखी एका युजरने लिहिलेय, तुझ्यासारखा मुलगा प्रत्येक आईला मिळो.”
